荒島日記（新手、後宮甜）（不定期更新）: 山頂

我地就咁，同來福分開左，雪兒同秋儀都好唔捨得來福，我拖住雪兒走既時候，雪兒一直發出細細聲既哭泣，不停咁用手抹走D眼淚。

而秋儀喊到好似細路仔咁，拖住佢既辣椒妹個樣都開始有D不耐煩。文健就繼續攞住裝有兩隻狼既旅行袋行。

「大⋯大佬⋯我地仲要行幾耐啊？」
文健問完後不停咁回頭望，生怕再有猛獸追住佢。

「唔知啊。」

「大⋯大佬⋯」


文健睇黎想休息。

「你出少句聲，我唔係好想聽到你把聲。」

「你收嗲啦！文健！你好撚煩啊！」
辣椒妹係前面大嗌。

半個鐘後，我地終於上到山頂，我即刻眺望，睇係見唔見到白煙出現既地方，辣椒妹亦都係度不停咁周圍望，但都係見唔到一絲白煙。

「無理由㗎⋯明明之前有見到白煙㗎⋯」


辣椒妹坐低思考。

「唔通真係山火？」
雪兒轉個頭望我。

「如果係山火，應該好大煙先啱㗎。」
我都坐低係度沉思。

「太陽都就黎要落山啦⋯」
秋儀指住太陽。



「今晚係度過一晚夜先啦，聽日再搵下。」
然後我拖住雪兒係山頂附近搵到平坦無乜雜草既地方休息，秋儀同辣椒妹都走過黎坐低。

「好嘢！我地今晚大餐食烤狼肉！」
文健興奮到想打開旅行袋攞出狼肉。

我想即刻阻止文健烤狼肉，因為我好驚烤出香味會引到猛獸，但見到三女望住D狼肉流曬口水⋯唉⋯算啦⋯

我攞刀起左個完整既狼皮，只要搵日洗一洗然後曬乾佢，就會係一塊唔錯既獸皮，係荒島依D咁缺乏衣服物資，獸皮簡直就係寶。

然後我斬開半邊狼，其實再分上下莊都夠我地今晚食既啦，不過見大家咁耐無食肉類，咁唯有今晚食盡興D，一次食半邊狼肉。然後我將狼肉擺上架上烤。

「好香啊～」
辣椒妹望實D烤狼肉。



「煮嘢食都係等我地黎啦。」
雪兒講完就推開左我，然後同秋儀兩個好細心咁烤狼肉。

我係附近再執多D柴返黎，今晚要係度過夜，個火堆要確保一直燒到天光先得。

「今晚有狼肉食都係全靠我！」
文健係度認叻。

三女一聽到文健依句說話，即刻俾左個鄙視既眼神俾文健，文健感覺到三女既怨恨，知道自己講錯嘢，然後無再講過嘢啦。狼肉燒左好耐先熟透，我將狼肉分成六份。

「大陸仔⋯」
雪兒有D唔傷心咁望住我。

「嗯？」



「學東哥⋯唔⋯」
秋儀即刻衝過黎攬住我喊，而雪兒亦都攬住我發出一絲絲既哭泣聲。

原來我分埋來福個份，所以搞到雪兒同秋儀觸景傷情。辣椒妹顯得有D無奈，而文健自己一個好開心咁食狼肉。

晚餐過後，秋儀同雪兒分別攬住我兩邊手臂熟睡，文健係另外一邊訓到成個死豬咁，而辣椒妹訓係秋儀旁邊。過左無幾耐，我都訓著左。





「大陸仔！快D醒啊喂！」