荒島日記（新手、後宮甜）（不定期更新）: 番外篇：小月1.7

經過個一晚，宇浩將自己既電話關左，facebook同instagram既帳號刪除曬，佢唔想小月有方法可以搵到佢。

小月聯絡唔到宇浩，便走上宇浩屋企搵宇浩，但宇浩一早同屋企人講，自己同小月已經分左手，所以宇浩家人見到小月後，都呃小月，話宇浩去左外國親戚度玩，無咁快返黎。

但係⋯⋯




九月三號星期一開學，宇浩已經個半月無見過小月，一想起今日會見返小月，唔知係憤怒定傷心好。開學禮後，宇浩都係未見到小月。



「黃sir，點解唔見如小月既？」
宇浩舉手問到。

「如小月同學，佢退左學。」
黃sir講完後開始點名。

小月點解會退學㗎⋯宇浩心諗，唔通係因為自己搞到小月傷心到退學⋯

原本宇浩仲好嬲小月，但小月突然既退學，令到宇浩嬲唔到，反而開始擔心小月，害怕小月會唔會出左事。



「黃sir！我要去一去廁所。」
宇浩便跑到廁所，然後打俾小月。

「喂，小月？」

「你⋯你係宇浩？」

「係⋯你做咩退學啊？」



「我⋯放學在出黎傾⋯好唔好？」

「好⋯」
宇浩講完後，小月便收線。

放學鐘聲響起，宇浩走到去小月屋企後面既公園，依個公園，係宇浩同小月表白既地方，記得當初，宇浩送小月返屋企，經過依度既時候，宇浩便捉實小月隻手，鼓起佢人生第一次講既說話。

「我愛你⋯你可唔可以做我女朋友⋯」

依句說話看似好簡單，其實宇浩係屋企廁所度，唔知排練左幾多次，先有勇氣講出依一句説話。




「宇浩⋯」


小月出現係宇浩面前。

宇浩望住小月個樣，小月係依個半月變得憔悴左，感覺佢好似經歷左好多不愉快既事，面上有明顯喊過既淚痕。

「小月⋯你做咩退學⋯係唔係因為我玩失⋯失蹤⋯」
宇浩對住小月講，但小月無回答到宇浩。

「我之所以玩失蹤⋯係因為你做左D對我唔住既嘢⋯」
宇浩講完，小月便邊瞪大雙眼望住宇浩。

「我好想嬲你⋯但我發覺⋯我發覺自己⋯仲係好鐘意你⋯」
宇浩眼眶開始有淚水。

「我諗左好耐⋯小月⋯不如我地重新⋯」
宇浩未講完，小月即刻打斷宇浩說話。



「宇浩，我地分手啦。」
宇浩聽到後，淚水忍唔住一直係咁流。

「點解⋯我都原諒你啦⋯點解你就唔可以原諒我⋯」
宇浩喊住咁講。

小月笑左一下，然後講。
「因為我係個貪慕虛榮既人，我之所以對你唔住，係因為貪錢，我要用好多錢買名牌手袋，買名貴首飾。」

「小月⋯你絕對唔係咁既人⋯」

啪！
小月打左宇浩塊面一巴
「你慳D啦！宇浩！你咁窮，你根本養唔起我，我係唔會跟你一世㗎！死窮鬼！我地分手啦！」



小月講完，便把頭上既髮夾掉俾宇浩，然後便離開。宇浩跪係地上痛哭著，望住小月既離去⋯⋯






十分鐘後，小月走到其中一個大樓牆邊，感到呼吸開始有D困難，佢雙眼通紅，跪係地上痛哭著⋯

其實⋯小月仲係好愛宇浩⋯依個半月一直搵宇浩，但一直都搵唔到⋯大衛劉離開之後，小月就再無係大衛劉屋企住過，但係小月已經俾阿媽趕出家門⋯所以佢依個半月⋯佢一直都住係朋友屋企，今日住佢個度⋯聽日住另外個朋友度⋯過住流離失所既日子⋯

今日聽到宇浩既電話，我感到好開心，於是揀衫揀左好耐去見宇浩，但佢黎黎去去都係得三件衫褲揀，其他衫褲係曬屋企度⋯

當見面個一刻，佢聽到宇浩講出知道自己既不軌，佢感到十分慚愧、內疚，但再聽到宇浩要求重新開始，佢就知道⋯佢要點面對宇浩。



給了宇浩一巴，再講出與違背自己內心既說話，然後急急腳離開忍住唔喊，儘快咁離開現場。

點解小月咁愛宇浩都要分手？
因為⋯小月個肚裡面⋯已經有左大衛劉既骨肉，而大衛劉所講既避孕藥，其實全部都係增加懷孕既藥黎⋯⋯



———番外篇：小月———
完