荒島日記（新手、後宮甜）（不定期更新）: 短裙

我地一直行，用左兩個鐘左右，終於上左個山頂。
（其實辣椒妹唔係行咁慢既話，我地應該個半鐘就可以上到黎。）

依座山有唔少小動物棲息，每行十幾步就會見到一兩隻兔仔，我自己都忍唔住攞起弓箭獵左兩隻。

「哇，今晚個餐豐富囉！」
辣椒妹眼大大望住兔仔。

「你咁快就掛住夜晚個餐啦？」
辣椒妹既大食，已經唔係一朝一夕既事，但我比較想知，D食物吸收到邊度？



辣椒妹絕對係好多女性最羨慕既體質，點食都唔會肥個種，身材依然都係咁好。

「同你行左咁耐，D香蕉番薯當然一早消化曬啦，好肚餓啊⋯大陸仔⋯」
辣椒妹摸下個肚後伸出舌頭。

唉⋯怕左你⋯

我攞出旅行袋裡面既熟番薯俾辣椒妹，辣椒妹瞬間咬一大啖，佢狼吞虎嚥既樣，其實都幾可愛下，完全無係我面前扮淑女，無架子，依D係唔係叫真性情？



辣椒妹見到我一直望住佢食番薯，塊面開始有D紅，然後佢隊左一舊仔番薯黎我嘴邊，我搖頭示意無胃口，於是佢露出笑眼，好開心咁一啖食埋個舊番薯。

「大陸仔，你仲未見到想要既草藥啊？」

「未啊，我仲未見到啊，依度既全部都係D雜草黎，無乜其他植物。」

「咁我地今晚未可能要係出面過夜？」
辣椒妹有少少興奮，一見到我望佢，佢就扮到好無奈。

「喂！你好似好開心咁喔。」


我問辣椒妹。

「無啊！邊度有開心啊，唔開心就真，我唔想起出面過夜啊。」
辣椒妹講完後連續嘆氣。

「咁快D行啦。」
我一嘢抓住辣椒妹隻手，拖住佢一直向前行。

「唔好咁急啦⋯食飽唔可以做劇烈運動㗎！」
辣椒妹又再拖慢我。

辣椒妹抬頭望一望個山後，個樣顯露出驚訝既表情。

「大陸仔！你睇下。」
辣椒妹指住前面座山。



「有D乜嘢睇啊？」
我唔明辣椒妹想講咩。

「你睇清楚D！座山後面，有煙啊！」
辣椒妹有D興奮咁講。

我定落黎望清楚前面座山。
「係喔⋯真係有煙喔⋯」

前面座山後，有幾條白色煙升起，依D絕對唔係山火而造成既煙⋯依D係有人係個度生活既證明！

「不如我地上埋個座山睇下囉？可能我地會見到其他人生存。」
辣椒妹有D急不及待。



「唔好，我地都唔知係唔係真係我地既同伴，我怕會係⋯」
我有D緊張。

「會係咩啊？」
辣椒妹走前少少望住山後既煙。

「我怕會係野人⋯怕會係食人族⋯」

突然吹起一陣強風，吹到個叢林發出嘩啦嘩啦咁響，地上既枯葉都四處飄散。

「啊！突然咁大風既！」
辣椒妹大嗌。

我望一望前面一手按住條裙一手按住頭髮既辣椒妹，佢頭髮好似拍洗頭水廣告咁係空中飄逸，如果依家有相機，我會即刻影低依個咁美麗既畫面。



由於風實在太大，邪惡既我，視線又再轉移返辣椒妹既裙度，呼！一下強烈既風吹起辣椒妹成條短裙。

⋯⋯

⋯⋯

⋯⋯

辣椒妹⋯
佢⋯佢無著到底褲⋯⋯