荒島日記（新手、後宮甜）（不定期更新）: 返回

第二朝起身，雪兒就好係度燒咁番薯，我見旅行袋裡面剩下少量既食物，於是提出建議。

「大家，不如我地返去昨日個段路，我地留低左太多食物同有用既嘢。」

「唔好啦⋯大佬⋯你唔記得班馬騮有幾恐怖啊？」
文健表示強烈反對。

（你個撲街⋯）

「我贊成返去，依家知道班馬騮怕火，我地就唔洗咁驚。」


雪兒企起身講。

「大家！你地唔明白耳仔俾馬騮強姦係咩滋味，我到依家耳仔仲痛咁，仲好似有液體係裡面流黎流去⋯估唔到我文健英明一世，今日竟然落到如此田地⋯」
文健一邊講一邊抹眼角上的淚。

「我都贊成返去，我地每個人攞一個火把，就唔怕馬騮啦。」
辣椒妹都企埋身。

「我都贊成。」
秋儀舉住手講。



「唉⋯」
文健見大比數贊成，無奈接受。

於是我地食完番薯後就出發，跟返原本既路線，希望可以攞返D食物同物品。

我地依家每個人都攞住個火把，沿途見到唔少動物，D動物一見到我地，就即刻狼狽咁跑走。

行左差唔到一個鐘，我地終於到左開始逃跑個度，見到一地物品，番薯、鐵板、衫褲等等一樣都無少到，即刻收拾返好D嘢。



嗚！嗚！嗚！

附近再次又傳出馬騮既叫聲，文健開始擺出個驚慌樣出黎。

嗷嗚！來福即刻擺出個咬牙切齒個樣，非常凶狠。

「我都叫左唔好返黎既啦⋯點解唔聽我講啊⋯依家點算好啊⋯」
文健一倫嘴咁講。

嗚！嗚！嗚！
馬騮既叫聲越來越近。

「死啦死啦⋯我唔想又俾馬騮強姦啊⋯」
文健用手保護耳仔。



「你個撲街同我出少句聲啊！」
我對文健咆哮一句，文健即刻安靜返。

無幾耐，有數十隻馬騮再次出現係我地面前，不過今次佢地無上次咁興奮咁鹹濕，反而面上表現出恐懼。

班馬騮見到我地每個人都攞住個火把，再加上來福不停發出低沉既嗷嗚聲，嚇到唔敢走過黎，我每行前一步，班馬騮就嚇退幾步，好驚我會攞住火把燒傷佢地。

「啊～」
馬騮們後面，傳出好似BB仔既叫聲。

（依個叫聲好熟，係邊度聽過。）

「啊！」
馬騮們中突然跑出一隻細馬騮，隻馬騮跑得好快，然後一跳就跳上左雪兒上半身，將自己個頭埋沒係雪兒既胸部中。



「啊！突襲啊！突襲啊！」
文健嚇到大叫。

我望一望隻細馬騮隻腳，腳上綁住左一塊布。

（原來係同雪兒出去個日遇到既馬騮。）

「大陸仔，依隻馬騮仔係唔係我地之前遇到個隻？」
雪兒望住我問。

「係啊，佢隻腳度有你包紮個塊布。」

隻馬騮仔跳返落地，然後隻手拖住雪兒，不停拉住雪兒走，好似想叫雪兒跟住佢，佢有嘢要俾雪兒睇。

「隻馬騮仔好似想我地跟住佢啊。」


雪兒轉個頭同我講。

「大佬，唔好去，伏黎㗎！」
文健交叉雙手表示反對。

「放心啦，我地有火把係身，班馬騮唔敢同我地玩既。」
我隻手拍一拍啊文健膊頭。

秋儀跑到雪兒後面跟住雪兒。

「走啦！咁撚多嗲！」
辣椒妹串左文健一句都跟埋黎。