荒島日記（新手、後宮甜）（不定期更新）: 放生

大家見到班馬騮散開曬後就走過黎，地上俾我啱啱燒屎忽既馬騮一直趴係度，雙眼一直望住三女，希望可以求饒放過佢。

「大陸仔，反正都趕走曬班馬騮啦，不如放過佢啦。」
雪兒第一個開口。

「係囉，放左佢啦，學東哥。」
秋儀都幫口講。

我望一望辣椒妹，辣椒妹伸出雙手做出無所謂既動作，而文健死死望住隻馬騮，眼裡只有仇恨。



「唔得！唔可以就咁放過佢！佢地強姦我耳仔！我要煎佢個皮！拆佢個骨！攞佢個頭攞黎紋屎，再攞佢個菇菇去喂來福！」
文健發曬火。

來福聽到後一嘢撞去文健下體，文健痛到即刻跪左係地下。

「啊⋯來福⋯做咩⋯」
文健忍住痛講。

「哈哈！證明來福對馬騮個菇菇無興趣囉！你激嬲來福啦。」
辣椒妹抱住肚笑。



「既然大家話放過佢，咁我就放過佢啦。」
我講完就即刻鬆腳，隻馬騮狼狽咁跑，其他馬騮見到後都跟住逃跑。

我望一望個天就黎變黑，D馬騮亦都俾我地嚇走曬，暫時應該唔敢接近我地。
「大家！今晚係度住一晚先啦，聽日再出發。」

大家點頭表示無意見，我將個火把交俾雪兒攞住，然後同大家講。

「D野獸普遍都怕火，所以我地去執D柴返黎燒，咁D野獸就唔敢接近我地。」



講完後，除左雪兒之外，大家都係附近執乾柴枯葉，十幾分鐘後，大家就執左一大堆返黎，夠我地燒成晚。

我地係火堆邊坐，烤住所剩無幾既番薯，因為逃跑個陣，我地已經掉左唔少。我好小心翼翼咁烤，並唔係害怕燒唔熟，而係驚番薯既香味吸引D猛獸過黎。

食完D番薯後，經歷頭先同馬騮大戰，大家都顯得十分疲倦，秋儀同辣椒妹兩個互相挨住訓著左，文健仍然好驚，所以死攬住來福，要來福陪佢訓。



而雪兒係我懷抱裡，佢個頭一直挨住我膊頭。望到佢好可愛咁係我懷抱中合埋雙眼，聽到佢發出好悅耳既呼吸聲，感受到佢細微既心跳感覺。

「你仲唔訓既？」
雪兒睜開眼望住我。

「未啊，我仲好精神。」



「係唔係我挨住你，所以你訓唔到啊？」
雪兒好細聲咁講，好驚吵醒其他人。

「唔係啊，真係精神啊嘛。」
我笑一笑咁講。

「都唔知你講真定講假。」
雪兒伸手玩弄我既下巴。

「你依家舒服好多啦？」

「嗯，已經好返好多啦，啊，你下巴好多鬚，第日我幫你剃啊。」

「一剃就要幫我剃一世喔。」



「哈！衰得過你啊，要我服侍你一世，把口甜到咁。」
雪兒笑得好甜。

「乜你唔想咩？」
我攬緊佢。

「咁～咁睇你表現啦～」
雪兒用手指篤我鼻一下。

我嘴向雪兒，雪兒好快地配合我同我濕吻，雙手搭上我膊頭度，雙眼半咪埋咁望住我，佢舌頭不停同我舌頭糾纏，挑引我舌頭每一個味蕾。

同雪兒濕吻既同時，我隻手不自覺地從背後伸入佢衫裡面，然後遊走到佢胸部度，雪兒隨即脫離同我濕吻。

「喂啊⋯人地今日危險期⋯我又驚會吵到其他人啊⋯」


雪兒嘟住嘴講。

「我摸下，唔會搞。」
我講完後拉返雪兒貼近我。

「你成日都蝦我既⋯」
雪兒把口就咁講，但就已經嘴左過黎。