荒島日記（新手、後宮甜）（不定期更新）: 淹沒

雪兒返到黎見到我醒左，佢哼左一聲就坐左係一邊，我燒著D柴，雪兒同辣椒妹就走左過黎取暖，文健原本訓既位有滴水，所以佢都走黎中間坐。

依場雨一直落左幾個鐘，而且越落越大，原本中午晴朗既天空，依家變得好似夜晚咁漆黑一片，我望住竹棚外一個個小水窪，突然有種不祥的預感。

「你地全部留係度，我要出去睇下D嘢。」
我企起身準備行出去。

「你想去邊啊大陸仔，唔準出去！」
雪兒企起身後脹起塊面講。



「我好快就返黎。」
我笑一笑講。

「哼！病左就唔好要我照顧。」
雪兒講完就擰轉頭。

「大陸仔⋯咁大雨⋯」
辣椒妹想勸我唔好出去。

（超！巨乳我都未X驚過，何況會驚區區依D大雨。）



「唔洗擔心，我好快就返黎，你地唔好跟過黎啊！」
我講完就飛奔出去。

我飛跑去沙灘個方向，幾分鐘後，我啱啱感到既不祥預感呈現係我面前⋯成個沙灘⋯都已經被海水淹沒⋯D海水仲要沖上左黎森林依邊，上一次係小潮漲⋯今次加埋大雨⋯係勁好多既潮漲⋯

撲街啦！唔X怪得依頭附近一直無乜小動物啦，原來依度經常會被海水覆蓋。我見D雨仲猛咁係落，要返去通知大家先得，再遲D真係死左都唔知發生咩事。

我全速跑返去竹棚，返到竹棚，佢地四個望住我係度喘氣。



「呵⋯呵⋯呵⋯」
同秋儀扑完野再跑，真係攰。

「學東哥，你坐低休息下先啦。」
秋儀走過黎想拉我過去坐。

「唔得⋯依家唔可以休息住⋯大家⋯我地要離開依度⋯依度唔可以再住落去⋯」
我用手示意叫大家起身執嘢。

「咩話！」
四人驚訝到異口同聲。

「大家，快D執好有用既嘢，我地真係要離開依度，依家海水已經淹沒左沙灘，好快就會淹沒埋依度。」

「我地好辛苦整既竹棚⋯」


雪兒好傷心咁摸住竹棚講。

「我地搵個好D既地方再搭個竹棚啦。」

我走過去攞旅行袋出黎，將把開山刀、弓箭放左入去，然後雪兒同辣椒妹係咁塞番薯同鹹魚入袋。

「大家，依家我地要走去地勢高既地方，攞住D竹矛，我唔知會唔會遇到猛獸。」
我指住上次同雪兒上過既山。

D雨開始細返好多，係時候出發。
「各位！依家出發！」

除左文健個撲街之外，大家都攞住嘢走去山個方向，突然來福大嗌：「嗷嗚！」然後佢一直望住後面，我回頭望一望，海水已經沖左上黎。

「大家！快D跑！海水已經沖左過黎，向住山個邊跑啊！」



文健聽完我講，就回頭望左一下，一見到海水跟住尾，bom！即刻加速跑左去，無幾耐連個車尾燈都見唔到。

（撲你個街！原來文健係扮病㗎，依家跑得仲快過劉翔。）

「哎呀！」

我聽到有人係後面痛叫一聲，回頭一望，見到雪兒坐左係地下，一直摸住佢修長雪白既長腿，佢再摸一摸腳個位，然後又再慘叫左一聲。

「點啊？扭親隻腳啊？」
我衝左過黎抓住雪兒隻腳。

「唔洗⋯唔好掂我⋯」
雪兒忍住痛咁講。



秋儀走埋過黎睇，我見到D海水係咁湧上黎。
「辣椒妹！你幫我背旅行袋，帶埋秋儀快D上山！」

辣椒妹哦左一聲，即刻拖住秋儀跑，秋儀係咁回頭望住我同雪兒。

「黎啦，我地快D走。」
我伸出隻手想拖雪兒，雪兒so都唔so下。



（大難臨頭仲咁刁蠻既⋯）