荒島日記（新手、後宮甜）（不定期更新）: 拆夥

雪兒：大陸仔！你地兩個次次出去都一定受傷，今次總要係咁，你地唔好唔認無打交喔！

我：我⋯⋯

雪兒嬲霸霸繼續講：你次次都蝦文健，你見我同文健親密D，所以單獨約佢出去，其實係想打交，仲唔係？

我：我蝦佢？

雪兒雙眼通紅死死咁望住我，而秋儀同辣椒妹依一刻都唔知可以俾D咩反應好，文健個撲街直情係呆X左咁企係度。



雪兒好失望咁講：仲唔係啊！我真係對你好失望，你仲話大家要團結，點知你就搞分化，搞破壞⋯

我苦笑左一下：我搞分化？我搞破壞？呵⋯

雪兒眼眶濕潤起黎：為左文健既安全⋯我決定帶文健離開依度⋯⋯

我苦笑左一陣，然後望一望個天空。
我眼濕濕咁講：唔洗⋯既然你咁唔鐘意我⋯我自己一個離開依度⋯

我倒出旅行袋既番薯，然後走去收拾弓箭同把開山刀，秋儀行過黎想阻止我。



秋儀：學東哥啊⋯雪兒講下笑姐⋯
我無回應秋儀，只係笑一笑摸下佢個頭，收拾好曬D嘢，我就攞住個旅行袋走出竹棚外。

我行出竹棚無幾遠，我就聽到雪兒係度大喊既聲音，我回頭望一望，雪兒蹲係地下抱腿喊，而文健企係一邊唔知點算好。

唉⋯我嘆氣了一句，然後慢慢咁離開依度。行左無幾耐，聽到後面有人跟埋過黎，我望一望，係秋儀個妹釘同來福跟埋黎。

秋儀：學東哥去邊我就去邊～
來福：嗷！


我摸一摸來福：你唔幫我睇住雪兒既？

來福當然無聽得明我講咩啦，只係一直擺尾。

然後我望到後面仲有一個人跟住，咦！係辣椒妹喔。

我：辣椒妹，你又跟埋黎做咩啊？

辣椒妹：跟⋯⋯跟住文健只會餓死，跟住你仲好過啦。

我笑左一笑無講嘢，然後帶住兩人同來福行到去沙灘既方向。行左無幾耐，我地行到沙灘度，我係沙灘搵左個位置訓教。

我：今晚我地係度訓一晚啊，朝早一醒，我再重新搵個地方住，在係個度搭個竹棚。

辣椒妹：嗯。



我望一望漆黑既大海，海浪聲一直不斷湧入我腦裡，我回想返過去咁多日既回憶，回想返同雪兒相處既日子。

當初雪兒係好憎我，好抗拒我，後來同佢經歷左D事，令我同佢親密左，但唔知點解，佢後黎脾氣好差，成日搵文健黎激我，今次仲要搞到咁⋯依種感覺真係令我無比難受。

我越唸就越嬲，我覺得心口有D痛，我摸一摸個心口，
我隨即吐左兩口鮮血出黎。

我四肢無力訓左係沙灘，雙眼只係望到兩女坐係我旁邊，秋儀眼濕濕一直推我，口不停咁講嘢，但我完全聽唔到嘢，而辣椒妹好慌張唔知點算好，來福走到我面前係咁lam我，慢慢我既視線變得模糊，我只係見到佢地既白影。

耳仔不斷吵住好似沙沙雪花既聲音，我依刻只覺得越來越凍⋯

我靜靜咁合埋雙眼⋯⋯