荒島日記（新手、後宮甜）（不定期更新）: 美人魚

我拉住文健上返沙灘度，文健不停咁嘔，係咁嘔返D海水出黎。
（你條友生存到依家簡直就係奇蹟）

辣椒妹亦都上返黎，帶住兩個海膽上黎，見到我企左係度望住文健，開始嬲霸霸。

辣椒妹：你兩個X樣淨係識得叫我做，自己又唔X做，算點X樣啊！

我：我唔係唔做啊，我係救文健上黎㗎。

辣椒妹望一望文健：依條X樣成日得把口，同佢咁多日就知佢咩事。



辣椒妹講完就即刻跳返入海度，文健同我講好返好多，唔洗咁緊張望住佢，於是我都跳埋入海度撈海膽。

我遊去海膽個邊，見到辣椒妹係個邊遊黎遊去，咦？辣椒妹屎忽上面個位有個好似朵花咁既紋身，我真係好想摸下，望住辣椒妹個驕人既長腿，又白又滑，心口個兩舊白肉係海底裡面彈下彈下，個一刻，我以為自己係海裡面見到美人魚咁，搞到我又情不自禁地張口了口。

我：咕嚕⋯咕嚕

海水不停湧入我嘴，我於是加速遊返上岸，辣椒妹轉過頭見到我既情況，即刻放低D海膽，遊到我身邊，然後捉住我遊返上水面。

辣椒妹：點解你地各個男人都咁X廢！



我：呵⋯唔好意思⋯啱啱唸咁D嘢⋯先會咁⋯

我突然feel到自己隻手擺錯位⋯我摸到辣椒妹個波⋯波啊！依種感覺，大過雪兒㗎⋯唔會係D啊嘛⋯
啪！啪！
我未興奮完幾秒就換黎兩巴掌。

辣椒妹：X你老母！打斷你隻手啊拿！

辣椒妹嬲嬲地講完又潛返入海度，我抖左幾分鐘後，我都潛入海撈海膽，無再好似啱啱咁望住辣椒妹既火辣身材。



我同辣椒妹撈左十幾隻海膽上黎，由於文健實在太X廢，所以我展開一對一教學，明星級教導，文健想走，但始終俾我逼返去海度練習遊水。

俾我咁樣逼逼下，文健終於識最基本既游水方式，依家要多D練習鞏固基礎。

文健：大佬啊⋯你仲想我遊幾耐啊⋯

我：遊到你見到水都想跳入去遊為止。

文健：椒姐⋯椒姐⋯你幫我求下大佬唔好再逼我遊啦⋯

辣椒妹：你咁X廢，遊多D對你仲X好啦！

我：快D遊過去個邊，唔係今晚你無飯食。



文健一聽到，即刻瘋狂遊去另一邊，睇黎依條友終於學識遊水，過左半個鐘後，我地離開左海邊返到竹棚。

我地返到去，秋儀同雪兒已經返左黎。文健攰到即刻走上竹棚訓教，我擺低個旅行袋，辣椒妹即刻打開個袋，攞曬D海膽出黎，然後係度欣賞自己既勝利品。

辣椒妹舉高個海膽：拿，咪X再話我食嘢唔做嘢。

秋儀望左辣椒妹一下就無再望，靜靜咁繼續同雪兒分生同熟既香蕉，我望住雪兒做嘢既樣，細心溫柔咁做嘢，真係好有賢妻良母既感覺，雪兒好似察覺到我望佢，於是擰轉身分香蕉。
（唉，究竟仲要嬲幾耐）

文健訓左一陣就落左黎，一見到雪兒就即刻走去雪兒身邊（死狗公）然後兩個又係度有傾有笑，我唔知係心淡定習慣左，對於依個情況，我再好似之前咁嬲霸霸，我淡定咁做自己既嘢。

抬頭一望，雪兒又係度偷望我，見到我望到佢即刻扮無望，我都懶理佢地既行為。雪兒見我無反應，同文健傾得越來越大聲。

雪兒：你要努力D啊！



文健：我會既啦，雪兒～
（死狗公）

我打斷佢地對話：文健，早D訓啊，一早我地去挖番薯啊！

文健：好啊。