荒島日記（新手、後宮甜）（不定期更新）: 兩女相鬥

我同來福奔跑返去竹棚，而文健依個運動量不足既人，慢慢行跟住我地尾。

我跑返到竹棚，見到秋儀同辣椒妹互相對罵，我X啊，點解依排咁多嘢煩，無啦啦得罪雪兒，然後文健個撲街又撩交打，依家連聽話既秋儀都同辣椒妹吵起身。

秋儀：食嘢唔做嘢，大家都係島上生活，點解你就可以咁？

辣椒妹：你老母X，我無做嘢咩？你個腦生係屎忽度啊？

秋儀：你淨係識得點我同雪兒做，雪兒可以忍你，我就先唔忍你啊！



辣椒妹：哎呀呀，喝X我？你知唔知我係邊個啊？出面D人見到我都叫我做椒姐啊！

秋儀：我先唔驚你喔。
秋儀擺定個想打交既姿勢，辣椒妹睇完即刻係到大笑。

辣椒妹：哈～竟然想打交啊，我同你講啦，我最X叻就係打交，當年中六有個𡃁仔跟喪琨，係學校蝦蝦霸霸，俾我攞住個水喉通，由西貢街一路打X到公眾四方街，打到入院都唔敢報警啊！唔敢搵佢阿大啊，有邊個唔X識我辣椒姐啊！

秋儀：唔好意思，我未怕過喔～

兩女講完即刻衝上前，互相拳打腳踢，兩個有來有往，但兩個人都好有經驗，大家都傷唔到大家，而雪兒係一邊勸交，但都勸唔到兩女停手。



突然兩個互相捉住扯黎扯去，我見佢地越扯就越近雪兒，我即刻跑過佢保護雪兒，突然有一個飛腳踢到我背後，你老母，真係落重手喔，咁X痛既，我被踢到攬住雪兒，然後一轉身，我背後落地，而雪兒訓係我懷抱裡面。

雪兒：你快D唸辦法令佢地兩個分開啦！大陸仔。

我望一望兩女，女人打交真係狼死過男人，男人最多拳拳到肉，打到流血投降就收手，而秋儀同辣椒妹，兩個互相扯對方件衫，互相扯住既時候，我無意睇到辣椒妹個bra，哇，X你老味，好似好X大喔。

雪兒：仲發呆，快D唸辦法啦，大陸仔！

我唸一唸，哈，有啦，我即刻講：秋儀辣椒妹，你兩個係咁扯件衫，依度荒島黎，D衫扯爛一件就少一件，唔好再扯啦！



兩女聽完之後即刻望住我，互相無再扯對方件衫，哈，依個方法真係掂喔。

兩女鬆開對方件衫，我仲以為依場女子打鬥會結束，點知⋯X你老味，兩條女互相扯大家頭髮，一邊扯一邊嗌痛，我睇到都覺得好X痛啊，女人打交真係唔係人咁品⋯

秋儀：啊！

辣椒妹：X你老母⋯快D放手啊⋯

秋儀：唔見⋯你放⋯手

雪兒好緊張：快D再唸辦法啦！咁樣扯頭髮，會扯到流血㗎！

我唸黎唸去，都唸唔到辦法，X啊，睇黎唯有上前阻止佢地：你兩個好快D放手喔！



辣椒妹：佢放我先放！

秋儀：佢唔放我唔放！

我：我同你兩個數三聲，好同我放手下！三！二！一！

兩女即刻鬆手，大家都驚對方還拖，於是秋儀起飛腳，而辣椒妹一個重拳打過去。當然，勸交既人通常會點啊？當然係中流彈啦，兩人互相既攻擊打到我身下，我痛到即刻趴左係地上⋯

（我X啊⋯）

雪兒同秋儀即刻走睇我咩情況，雪兒一見到秋儀走過黎，就即刻停低腳步⋯⋯