荒島日記（新手、後宮甜）（不定期更新）: 柒事

白穎林，花名叫辣椒妹，身高係165cm，同廣大既MK妹一樣，有一把金色既秀髮。天使既面孔，魔鬼既身材，佢依條白滑長腿，你應該玩幾年都唔會覺得厭，但好可惜，佢好X惡，而且佢老豆黑底，所以擁有女神級既樣貌身材既佢，都無乜人敢接近。座右銘係：X你老母個臭X。

文健，炫富達人，173cm，排骨既身材，感覺俾人打一拳就可以訓低。頭髮卷卷地，樣貌可以講係偏向靚仔個種，有D似Mix既感覺，嗜好溝女。座右銘係：我不炫富，誰來炫富？

秋儀：辣椒妹？佢好惡㗎？

我：係啊，佢以前係學校成日打人，而且性格火爆，容易暴躁，所以先俾人起個花名叫辣椒妹。

秋儀：哦，原來係咁。



我：所以唔好得罪佢啊。

我地兩個咬完耳仔，辣椒妹同個男仔行左過黎。

辣椒妹：個兩個乜水？

雪兒：佢係大陸仔，依位係秋儀。

辣椒妹：原來你條粉腸就係大陸仔啊？



我：你識我？

辣椒妹即刻按住肚大笑一陣。

辣椒妹：識，以前你依個傻X追過我班既嘉雯啊嘛，寫封情信俾人，裡面仲有首詩。

（你唔好同我講你識背啊嘛⋯對於追嘉雯既歷史係一件柒事，我俾佢同佢班fd笑足成年⋯）

我雙手合十，誠懇地望住辣椒妹，求辣椒妹唔好講出黎⋯



我：辣椒姐⋯辣椒姐⋯

辣椒妹：金風玉露一相逢～卻勝却人間無數～兩情若是久長時～又豈在朝朝暮暮～

救命⋯佢真係背左⋯仲要讀埋出黎⋯

雪兒聽完即刻白左我一眼，塊面又開始黑起身，而秋儀面紅紅咁低頭。（死啦⋯雪兒又開始嬲啦⋯）

雪兒：辣椒妹，你旁邊個位係？

：你好雪兒，我叫文健，我係學校已經識你好耐，黎到荒島你都仲係咁靚，以後請多多指教。

辣椒妹一臉嫌棄既樣望左一望文健。

文健主動走過黎同雪兒握手，雪兒笑一笑，然後轉過黎望左我一眼。



我：你地係點樣黎到依度㗎？

辣椒妹：個日隻郵輪入水既時候，我地同左幾個人坐上左個橡皮艇，但風浪實在太大，唔少入跌左落水，有D就漂流黎依度期間就病死左。喂，你有無嘢食啊？我同依條撲街依幾個星期已經食曬從救生艇上既應急食物，我地依幾日食生青蛙，我就黎頂唔X順啦⋯⋯

雪兒：大陸仔，我地帶佢地返佢竹棚個邊啦。

我：嗯，我地依家返去啦。

來福知道唔係敵人，於是好開心咁肯定奔跑兜圈。

辣椒妹：X啊，你地連狗都有養隻，完全唔X似係荒島生活喔。

雪兒：來福唔係狗黎㗎，係狼黎㗎。



文健：下⋯⋯
文健知道係狼就即刻嚇到走遠避一避。