荒島日記（新手、後宮甜）（不定期更新）: 成精

我同秋儀返到去，我望雪兒既樣，雪兒好專心地燒番薯，並無因為我地咁夜返黎而發脾氣，我鬆一口氣，然後我走過去蹲係雪兒旁邊望。

火堆既光照亮雪兒雪白既面孔，雪兒真係好靚，好似仙女下凡咁。

雪兒：做咩事啊大陸仔？做咩咁望住我？

我：你整嘢食個樣真係好靚，你整既嘢食一定好好味。

雪兒抬起頭講：哼，咁係，有我整嘢俾你食，你真係今世有幸啦，我老豆都無食過我著既嘢食。



我：哈，咁我真係幾好命喔！

雪兒：肯定啦，我前世肯定係欠左你D咩，搞到要同你係依個荒島生活。

我地今餐又係食番薯，雖然食番薯好飽肚，但睇黎聽日我真係要搵D肉返黎食先得，先有足夠既營養俾兩女。

秋儀食完番薯之後走到我旁邊，然後打側挨係我身上，雪兒見到後有少少悶悶不樂，我即刻拉住雪兒往我身邊一扯。

雪兒：啊！



雪兒失平衡跌係我懷抱裡面，佢想掙脫我既懷抱，但我抱得緊緊唔俾佢離開。

雪兒：大陸仔⋯你淨係識得蝦我⋯

雪兒雖然用手輕輕力錘我心口，但好快變成攬住我。我亦都伸出右手攬住秋儀，秋儀慢慢地係我身邊訓著左。

我望住滿天繁星既夜空，估唔到我王學東毒足咁多年，依家會有兩個女仔愛我，仲要係我從未唸過高攀不起既閃耀星，我會好好珍惜你兩位，多謝你地。然後錫左佢地塊面一啖，抱起秋儀同拉住雪兒上返竹棚上。

到左第二日，我起左身之後，即刻走去河邊度放返竹籠，希望可以捉到幾隻蟹俾兩女食。



然後攞出弓箭係附近睇下有無野雞出現，等左成兩個幾鐘，但好可惜，食白果。

我走返去河邊望一望，有五隻蟹入左竹籠裡面，雖然細左少少，但都好過食齋啊，於是我跳入河度攞返個竹籠。

我攞起個竹籠上返岸，河對面有個熟悉既影係度望住我，我一望，X啊，隻野豬咁X記仇既，搵我地搵到黎依度。

：咳⋯咳咳

我即刻攞起舊石掂過去，石頭打中野豬既頭，激到野豬係度原地踐踏。

我：捉我啊，八戒！

於是我即刻跑，跑到香蕉林個邊，隻野豬亦都衝埋過黎。我望一望八戒，我X啊，原本同八戒有幾個馬位距離，依家就黎掂到我。我即刻加速狂奔。（八戒，食塵啦～）

跑到陷阱個邊，我即刻一跳，跳過陷阱對面，我望住八戒衝過黎，得啦，八戒確定會跌落陷阱啦。點知，隻野豬突然四腳一剎，停左係陷阱旁邊。



我X啊？唔會真係成精變成八戒啊嘛，連陷阱都知道？我既陷阱白挖啦⋯⋯

八戒同我對視左一陣，然後無停留係度，反而掉頭走左，我鬆左一口氣。

於是我提高警覺，一路行一路望四周，慢慢咁走返去河邊攞返個竹籠。

來福：嗷嗚～嗷嗚～

竹棚個邊傳出來福既叫聲，仲要係越叫越大聲，平時來福唔會叫到咁㗎。

究竟乜嘢事，來福點解會咁樣大叫？

大鑊！隻野豬肯定走到去雪兒秋儀個度，我要再唸個辦法解決隻野豬先得。我望一望河邊既周圍，突然見到一D嘢。



有啦！就用佢⋯⋯