荒島日記（新手、後宮甜）（不定期更新）: 陷阱

經過遇野豬一事，睇黎都係唔好再入山方向行，因為我驚惹到隻野豬走到黎竹棚依度，如果野豬真係知道我地住邊，襲擊我地，雪兒同秋儀就真係大鑊啦⋯唔得，我要保護佢地兩個。

擺定D番薯，今晚個餐就食烤番薯啦。雪兒見得我整火堆多，依家都學識左整個火堆出黎，我拍曬手讚雪兒叻。

雪兒：大陸仔你成日咁辛苦搵食，以後煮食就靠我同秋儀啦～

我：你得唔得㗎？我驚會整親你喔。

秋儀：學東哥你就交俾我地兩個啦，我地兩個搞得掂。



我：咦！來福呢？來福走左去邊啊？

來福依個時候先跑返黎，嘴裡面叼住隻田鼠，睇黎來福見我地今晚個餐食齋，所以自己就左去覓食。

我摸一摸來福個頭，來福好似隻狗仔咁要我再摸多D、R多D。

我：來福乖啊來福。

過多一陣，番薯已經烤熟左，香味已經飄曬過黎，好耐無食過番薯啦，估唔到雪兒同秋儀學嘢都幾快喔，睇黎以後煮食真係可以靠佢兩個。



我係附近搵左條竹，然後不停用舊石磨利，希望可以整兩把竹矛，可以令雪兒同秋儀有嘢防身，保護到自己既安全。

於是依幾日我都係河邊捉蟹，間唔中都會遇到野雞俾我捉黎食。

有時得閒個陣，我會唸下有咩方法去捉野豬，隻野豬太大隻太凶猛啦，武力係解決唔到佢，只有智取既方法先可以對付到。

有咩方法可以解決到呢？正當我思考咁既時候，雪兒係我背後攬住我，個頭直接挨落我背度：大陸仔，我知你擔心我地怕我地會遭遇到隻野豬，我相信你一定會唸到辦法解決。

我轉個身望住雪兒講：你肯定我會解決到？



雪兒：係啊，我相信你一定有解決方法，你咁多鬼主意。

我唸左一唸，係喔。

我：多謝你啊雪兒，我已經唸到方法點樣解決隻野豬啦。
講完我錫左雪兒一啖。

雪兒：好啦，都咁夜啦，我地早D訓啦。

我地上返竹棚上面訓教，當然，我依然係攬住兩女訓啦，好彩有依次既旅行，唔係我可能仲係A0毒X。

醒左之後，我食完個番薯早餐，即刻走去香蕉林個邊，我決定要挖個窿，然後引誘隻野豬跌落陷阱裡面，哈，到時野豬肉仲唔係我既。

我連中午飯都無食，大半日時間挖左個接近兩米深既窿，隻野豬如果跌左落去，一定爬唔返上黎。



用D幼樹枝同樹葉遮住左個窿之後，我就走去河邊攞竹籠裡面既收穫。收穫唔少喔，起碼有三隻蟹係度，唔洗食番薯咁齋。

見D河水涼浸浸，啱啱挖完個陷阱出X曬汗，沖個凍水涼都唔錯喔，於是除曬所有衫，一嘢跳入得米幾深既河水度，好舒服啊，依種涼浸浸既感覺真係好X正。

咔喳！咦？有嘢踩爛地上既樹枝聲，咩黎？唔會係野豬啊嘛？我即刻蹲下，係河水裡面等隻嘢既出現。

係水裡面閉氣望住出面既情況，見到有個人影行過黎，我望清楚D，秋⋯秋儀？

秋儀望左四周一下，然後慢慢除自己身上既衫，哇，我見到秋儀既裸體啊！好白啊⋯不過個胸就真係細左少少，但都影響唔到秋儀既美麗。

我望望下無意中張開了口，河水即湧入我口度，搞到我即刻企起身係咁咳：咳！咳！

秋儀俾我嚇到即刻彈起，見到我赤裸無著衫，即刻用手遮住自己胸部同私處⋯⋯