荒島日記（新手、後宮甜）（不定期更新）: 童年

我跑到黎沙灘，見到熟悉既小身板，終於鬆一口氣，我慢慢咁行過去。

秋儀坐係沙灘上，一直望住大海，我坐係秋儀身邊，陪住秋儀（唔通昨晚既大戰，搞到秋儀想離開我的）

我終於開口講：秋儀⋯你做咩粒聲唔出自己走到黎沙灘啊？係唔係夜晚件事所以你⋯

秋儀轉頭望住我：夜晚發生乜嘢事啊？

我：無⋯無嘢⋯你未答我喔。



秋儀：哦⋯其實我⋯我好掛住嗲地媽咪⋯

秋儀眼濕濕咁講，依次係佢離開父母身邊最長既日子，秋儀既爸媽好錫秋儀，係佢讀小學既時候，由於生得細粒，所以經常俾D同學蝦，有次嚴重到俾人撞到額頭流血，留左個疤痕，但學校既神情miss阿sir，普遍認為俾人蝦既人一定有做錯既地方，校長亦都為左學校聲譽，所以私了件事。

秋儀無因為個次而結束依俾人欺凌，反而令D同學更加嚴重對待秋儀，話秋儀係二五仔，要懲罰，秋儀爸爸護女心切，但秋儀又唔想轉校，於是秋儀爸爸帶秋儀去學跆拳道，仲要係明星級教練，一對一上堂，就咁，秋儀就學左八年跆拳道。

秋儀有參加過跆拳道比賽，甚至攞過獎，至於欺凌佢既同學⋯⋯

同學A：何秋儀，你竟然仲夠膽同老師打報告，我同班上既同學最憎二五仔既啦。



秋儀：依度女廁黎既喔，你地想點啊⋯

同學A：係又點啊？我叫左幾個女同學睇住門口既啦，你今次走唔甩。

同學A一講完，即刻一巴打過黎，秋儀蹲下避開，然後一腳踢同學A下巴。

同學A啊啊啊咁叫：兄弟們上，唔教訓下二五仔唔知驚。

秋儀一腳向後踢開一個同學，然後左拳擋住一個同學既一拳，再用右手一拳打落個鼻，突然左右各有一個同學抓住秋儀既手，正面又有同學衝過黎，秋儀即刻拉住右邊既同學撞落正面既同學，隻右手終於鬆開左，秋儀即刻右拳打抓住左手既同學，經過兩分鐘，各個同學都訓係地下，秋儀即刻坐係帶頭既同學A身上，一拳又一拳咁打同學A，打到同學A尿都瀨埋。



就咁秋儀以一打十，葉問上身咁，各個同學喊住口搵老師，但D老師唔相信秋儀一個妹釘一個打十個，所以懲罰左投訴既十個同學，之後D同學無再欺凌秋儀。

秋儀好感激爸爸改變左佢（唔怪得之前摸你身體硬斑斑，原來係肌肉黎）

我：唔怪得你踢大衛劉既時候咁勁啦，原來食過下夜粥既。秋儀，你信我啊，如果有辦法，我一定會帶你離開依度咖。

秋儀眼濕濕望住我講：真既？

我：係啊，你唔信我啊？

秋儀：信⋯學東哥你講咩我都會信咖。然後伸出個手指尾要我拉～

就咁，我拖住秋儀行翻竹棚個邊，秋儀因為我既拖手，搞到紅都面曬，望都唔敢望住我，一直得低頭咁行。

翻到去，雪兒已經醒左，望住我拖住秋儀隻手，我無奈咁笑一笑望住雪兒，雪兒按住面無奈咁搖一搖頭。



好啦，食物食曬，海個邊又唔可以去，唯有抓蟹黎食啦，於是我又用老方法攞竹籠去做蟹。係河邊整完一輪，突然有隻野雞從天而降，我攞出從大衛劉度得到既軍刀飛過去，隻野雞避開左，然後好囂張咁係我面前咯咯叫，之後就飛走左。

啊，咁X囂張，我實有辦法抓到你。