荒島日記（新手、後宮甜）（不定期更新）: 荒島

：各位郵輪上既乘客，你地好，我係雅典娜女神號既船長大衛劉，歡迎各位乘達依架往新加波既郵輪，本郵輪擁有幾十間不同風味既餐廳，三個游泳池，十幾個娛樂場所，祝各位旅途愉快。

然後喇叭開始播音樂，我一聽就毛管動：x啊，竟然係播鐵達尼號首歌，唔會係咁邪啊嘛，我第一次出國，你唔會係想我魂斷大海啊。

係喔，我未自我介紹，我叫王學東，今年19歲，係九龍區某中學讀書，我13歲由大陸深圳移民到香港，可能係因為我係新移民，所以我係學校唔係好多朋友，好彩大多數同學對我唔會有歧視，只有少數同學會笑我，叫我做大陸仔，由於屋企無乜錢，原本打算唔參加依個學校搞既郵輪團，校長知道後，同班校董講左我既情況，然後，我就咁完全免費參加左依個郵輪之旅。

船長：各位乘客注意，由於海面遇上風暴，所以搖晃情況會比較嚴重，希望所有乘客小心行走，儘快到房間，多謝合作。

喇叭一停，成架即刻瘋狂搖晃，我即刻彈翻上張床，點解我會係房度？因為我窮囉，食完廉價餐，就即刻奔上房，街都懶得行，無辦法啦，郵輪上乜都貴，邊度係我依D窮等人家去既啊。



突然聽到一聲巨響，我嚇到X都縮埋，死啦死啦，我仲係青頭仔，我未拍過拖咖，我唔想死啊，最多我以後聽聽話話，努力工作或者讀書，我唔想死啊，上帝。

我依個短暫既誠懇基督徒未做完，我就聽到出面慘叫，我即刻衝出走廊度睇，哇，X啊，海水到入埋黎，D人紛紛走出去，喇叭仲係度播：各位乘客，我地既雅典娜女神號係非常安全，而且係全球前十大郵輪，係絕對唔驚依D風浪。X你船長，你仲係度陰X我，我地架船即刻翻側，D海水湧上黎，死啦，我呼吸唔到啊，死啦，我要死啦，我合埋雙眼迎接死亡。

當我一醒，我就係一個沙灘上，我起身啪曬身上既沙：有無人啊？有無人可以答我依度係邊度嚟啊。我叫左十幾分鐘，眼見成個沙灘得我一個，死啦，我竟然被衝上左個荒島。