[真人真事][校園][純愛]《總有一天，會再次遇見》: 第六十四章

或者每個人都會覺得,

時機從來都同自己命格不合

有時有啲野最唔想出現嗰陣,

佢就偏偏呢個時候蒲頭

我相信各位巴打絲打都有經驗





好野又唔見你中

調返轉衰野就真係次次都咁啱

有時真係好奇怪

錯的時間,

原來就係咁樣解





講返件事先

我同佢視線對上咗,

正如之前所講,

佢好嬲咁樣望住我

幾秒之後佢就擰轉頭走咗





呢個時候我就戇居居企咗喺度

呀邦:「做咩仲企喺度 」

呀穎:「追返人啦 」

跟住我先如夢初醒

知道要追返佢,

咁樣話晒我都係男仔

點會擔心唔夠速度追唔到佢呢

出到去學校門口,





就已經見到佢行緊

跟住我就即刻向住佢方向跑啦,

我:「做咩呀 」

晞澄:「其實唔想嚟咪講囉,

我知,

今次都只係騎騎呢呢嘅歌唱比賽咋嘛

對你嚟講完全唔重要 」





我:「唔係呀 」

晞澄:「我親耳聽,

咁都仲有得唔係咩 」

我:「咁個個審犯咁樣

一時火遮眼講錯野啫 」

晞澄:「你知唔知我幾低能,

頭先見你唔到,

sms你又唔覆,





電話又打唔通,

跟住喺度亂諗野,

我以為你出咗問題,

唱完之後出返嚟見到你,

其實嗰刻我好開心

我已經唔記得咗你頭先唔喺度,

不過竟然俾我聽到啲咁嘅野.」





我:「唔係我特登唔嚟呀

都話咗正經野做緊,

仲要係突發

如果我係特登唔嚟就唔會依家趕過嚟啦,

百幾蚊的士錢呀大佬 」

晞澄:「咁係咩正經野 」

我:「唔想講,

總之就唔係特登唔嚟啦.」

晞澄:「唔好意思呀嘥咗你百幾蚊的士錢 」

我:「我都唔知我做錯啲乜

大佬個個好似審犯咁樣 」

晞澄:「得,

你冇錯 」

跟住佢就走咗,

我亦都冇去繼續追佢.

或者嗰刻我真係有少少火滾

因為完全唔知自己有乜問題

再加上成晚瞓得少,

情緒更加容易受影響

我自己喺度諗,

我已經破咗自己條例

俾百幾蚊搭的士

都唔知點解好似仲係我錯咁樣

你話我冇趕嚟就話啫,

我又唔係喎,

最緊要係連晞澄都唔明白

我係特登唔嚟仲會唔會咁樣做呀

當然啦依家嘅我,

就梗係覺得當時嘅自己唔得啦

調返轉頭諗,

嗰陣嘅我就好似一個小偷

因為媽媽冇野食而自己又唔夠錢買,

所以就去便利店偷麵包,

跟住俾人捉咗,

就喺度鬧人地點解捉我

我都係孝順啫,

同埋好心就唔好計較一個麵包啦

得嗰幾蚊,

但係事實我係偷野,

偷野就要付出代價

就係咁簡單,

同埋我唔明白語言嘅殺傷力有幾大

有時無心講一句野,

造成嘅創傷係預計唔到,

你點樣講,人地點樣聽,

係兩回事

唔係話我自己火遮眼亂咁講野,

就代表嗰句野唔可以當真

因為聽嘅唔係我,

又點會知句野難唔難聽呢

不過嗰陣嘅我就梗係唔知呢個道理啦

淨係覺得自己冇錯,

與其諗咁多,

不如唔好諗算

我睇死呀邦嗰條八卦友今晚會打俾我,

到時等我落咗啖氣,

可能件事會更加明朗呢

當然事後我先知晞澄嗰日唱咩歌

原來我真係估錯咗

佢決賽唔係唱楊千樺嘅歌,

而係唱王菲嘅曖昧,

不過咁,

我都唔係第一次估錯啦