[真人真事][校園][純愛]《總有一天，會再次遇見》: 第三十五章

影完之後我地就走

晞澄:「一陣仲有節目呀 」

我:「仲有啲咩搞呀 」

晞澄:「你都係照舊送我返屋企架啦 」

我:「係嘅始終咁夜





我呢啲咁有風度嘅人

當然會咁做啦 」

晞澄:「知唔知個醜字點寫 」

我:「你都未識寫我點會識 」

晞澄:「我依家好醜咩 」





我:「還可以啦哈哈 」

晞澄:「算今日你生日

當係俾面你 」

我:「咁究竟有咩節目啫

冇嘅我就返屋企架啦





搵呀邦打機 」

晞澄:「打小日啦 」

我:「咁都要睇下做咩嘅 」

晞澄:「去到樓下咪知囉 」

之後去到佢屋企樓下,

晞澄:「睇你個樣你都唔鍾意上嚟架啦

咁麻煩你喺度等一陣 」

我:「唔係好明你講乜 」





晞澄:「你之前話唔鍾意上人屋企丫嘛

鬼叫你今日生日

鬼叫我不嬲大方

鬼叫我得閒整咗蛋糕

咁我依家咪上去拎落嚟囉

壽星公 」

我:「你話你整咗蛋糕 」





晞澄:「係呀聾人

唔好行開呀我好快落嚟 」

跟住佢就上咗去佢屋企

老實講嗰一刻真係好驚喜

估唔到會有人自己整蛋糕俾我食

咁大個以嚟都冇試過咁樣,

咁多年食嘅蛋糕全部都係出面買

估唔到今年十六歲生日,





可以食朋友整嘅蛋糕

真係歷來嘅第一次

當然啦嗰陣嘅我,

覺得晞澄平時都成日整甜品,

今次可能見我生日就整俾我

而且之前都聽過佢整俾其他人,

就覺得咁樣係理所當然





諗唔到又或者唔會去諗背後真正嘅原因,

有時人最棹忌就係覺得所有野都係理所當然,順理成章,

因為咁樣就唔會珍惜

或者以後嘅日子你會銘記於心,

不過事過境遷先至識,

又有乜用丫.

講返當時先

等咗兩三個字左右晞澄就落咗嚟

晞澄:「幾驚你走咗去

你知你幾無聊架啦 」

我:「你都傻嘅

有野食我點會走 」

晞澄:「我都估到你係因為咁 」

我:「咁點呀依家去邊度食 」

晞澄:「不如去涼亭 」

話說我地嗰條屋邨係有一個涼亭,

日頭嗰陣係俾老人家用

又或者俾啲呀伯捉棋

依家咁鬼夜,

乜都瞓晒覺啦

去到涼亭之後,

咁我就梗係想拿拿臨食啦

我:「仲等咩呀 」

晞澄:「依家幾點呀 」

我望一望個錶,

原來係23:58

我:「就嚟十二點囉 」

晞澄:「咁即係幾點 」

我:「23:58,

做乜要知得咁詳細 」

晞澄:「等多兩分鐘啦

依家都未算你生日 」

我:「求其啦 」

晞澄:「都唔爭在啦 」

我:「有時都唔明你呢啲女仔

睇到咁多野都咁重 」

晞澄:「你錯喇 」

我:「乜唔係咩 」

晞澄:「你自己諗下你呢句講錯邊度啦 」

我:「我就真係唔識喇 」

晞澄:「講咗咁耐,

應該十二點啦 」

我:「係呀 」

晞澄:「插蠟燭先 」

跟住佢拎咗一抽蠟燭出嚟

起碼十幾支

我:「你拎咁多做乜 」

晞澄:「十六歲就梗係插十六支 」

我:「仲細咩 」

晞澄:「睇死你手腳都係論盡

你俾小小時間我幫你啦

唔使唔該姐姐喎 」

男人同女人最大分別就係心思,

老實講我真係冇乜

邊似晞澄咁多花臣

晞澄:「我特登整到個面大啲可以插多啲蠟燭呀

快啲讚我叻啦 」

我:「至叻係你啦 」

晞澄:「到你許願喇 」

我:「我好耐冇做過呢啲野喎 」

晞澄:「你個人真係冇乜童心 」

我:「許願又有咩用

都唔準嘅 」

晞澄:「可能今次準呢

嚟啦嚟啦 」

我:「唉,

麻鬼煩 」

晞澄:「今次我喺你隔離一定準

你條友平時咁衰,

梗係唔準啦

今次有我喺度淨化你

實準 」

老老實實我都唔記得自己許咗咩願

我估都係身體健康世界和平嗰啲啦

之後吹完蠟燭就食,

晞澄:「好唔好食唔知架

我都係第一次整黑森林 」

我:「幾好食喎 」

晞澄:「真係 」

我:「真

一齊食啦

我一個人點樣食得晒 」

晞澄:「又好啫 」

老老實實佢整甜品真係幾好食

呢個黑森林蛋糕真係唔錯,

唔係因為俾面佢先讚好食

我:「你條友整野食真係好有水準 」

晞澄:「係咪架我硬係覺得你吹水 」

我:「真架屎忽鬼 」

晞澄:「你成日講都係想我遲啲整野你食啫 」

我:「頂你心水又幾清 」

晞澄:「得閒冇野做就益你喇

講明先唔好食唔準鬧 」

我:「得啦

咁樣多謝晒喇 」

食完之後我就送佢返屋企

呢個行為大家永遠都唔會出聲,

但係大家都知大家會點做

可能係默契掛

去到佢樓下臨走嗰陣,

晞澄:「十六歲生日快樂喇xx賢 」

我:「多謝 」

晞澄:「之後繼續出嚟溫書啦拜拜 」

我:「拜拜 」

十六歲嘅生日,

應該係我第一次過嘅難忘生日

之前我從來冇諗過今日會咁樣過,

由冇期望變到有驚喜

不厭其煩要再一次多謝晞澄.