[真人真事][校園][純愛]《總有一天，會再次遇見》: 第三十一章
影完之後我地上返去繼續開party
玩到五六點就走
然之後就各自歸家
返到屋企我先醒起要晞澄俾返張相我
咁我就梗係sms佢啦
我:「靚女可唔可以send返張相俾我
」冇幾耐之後晞澄就覆咗
晞澄:「你要咩相
」我:「同你影嗰張呀
」晞澄:「你竟然會想拎返
」我:「唔係好明咩叫竟然
」晞澄:「冇野我以為你唔會要啫
」我:「有我個樣喺度點會唔要
同埋張相有你個樣,
遲啲想改圖嗰陣都有材料
」晞澄:「真係好無聊
」我:「講下笑啫快啲send啦
」晞澄:「同我玩旋轉泡泡球贏咗就俾你
」唔知有冇喺度講過
晞澄玩旋轉泡泡球好q勁,
之前已經輸咗好多次俾佢
但係我冇理由認輸架嘛
我:「你死喇
呢排我係咁秘密特訓
仲唔贏返你
」晞澄:「睇下點
」結果就梗係唔使問啦
一次都贏佢唔到,
條友真係契弟嚟
完全冇留力
晞澄:「又話秘密特訓嘅?」
我:「放下水得唔得
老老實實你究竟玩咗幾耐
」晞澄:「唔記得咗嚕
」我:「等我下次再秘密特訓
到時嚇到你腳震
」晞澄:「特登架
」我:「咩特登
」晞澄:「咁押韻嘅
」我:「梗係啦
係咪好好文采
」晞澄:「唔係喎
」我:「收皮啦
」晞澄:「都好攰囉
瞓覺先拜拜
」我:「好
」跟住先醒起,
係喎
仲未俾張相我
正當我想再震一震佢嗰陣,
我見到我收到一張相
原來就係我下晝同佢嗰張
晞澄:「收野啦
好心你下次就勁啲
今次當我做一次好心
」跟住佢就真正offline,
呢條友,
有時真係好奇怪
都真係唔係好睇得透佢,
不過唔理啦,
總算收到張相
咁我就梗係save喺電腦度啦,
之後我都好慶幸自己當日有問佢拎呢張相,
相,
從來都冇人嫌多架嘛
跟住就開始放暑假
暑假就梗係玩啦,
由於我地下年就會考,
所以今年得一本暑期作業
原本就有四五本
暑期作業有咩咁難
都係抄晞澄啫
簡單
直至去到八月頭
唔經唔覺得返一個月就開學
今次我醒呀
以免好似之前咁甩漏,
所以一早就問定佢借暑期作業抄
佢條友又係麻煩
都講咗我喺佢樓下等
拎完暑期作業之後我就返屋企抄
第二日俾返佢,
點知佢又話想食西多士
結果最後我地喺餐廳等
明明我想快啲返去打機丫嘛
依家冇計啦,
本野喺佢度,
做一次死狗都要
咁之後我地就入咗餐廳食野啦,
晞澄:「原本我都係懶唔想出街食
點知咁啱你條友又問我可唔可以借功課俾你抄
咁咪順理成章出嚟囉
」我:「你又真係麻鬼煩
話咗喺你屋企樓下等都唔得
係都要出嚟食
再食肥死你
」晞澄:「講咩呀下
」之後佢條友喺度搣我
手腳勁快痴線
明明兩隻手仲喺度揸緊刀叉
我:「痛呀痛呀
唔講唔講
」晞澄:「再講我就搣第二邊
」我:「你再講就愈嚟愈肥
」晞澄:「好似唔驚喎
」我:「講笑啫講笑啫
」晞澄:「算你啦.」
我:「都唔知邊春個話你溫柔
」晞澄:「你條友太摟打
連我咁溫柔都真係忍唔住
」我:「嘔
」晞澄:「執到啦你
」我:「我建議你快啲搵你啲親信
佢地一定肯俾你搣
我呢啲都唔多肉邊好搣呢係咪先
」晞澄:「唔係喎
你把口唔收教訓你特別爽
」我:「你都痴線.」
晞澄:「喂係喇唔好玩住先
有野認真講
」我:「做咩
」晞澄:「就快會考,
不如一齊溫書啦好冇
你想join埋佢地都得,
唔想咁多人嘅話就我地兩個
」我:「原來係呢啲小事
溫書唔啱我你地溫啦
」晞澄:「得返半年多啲啲咋
一齊溫啦
」我:「我真係唔鍾意溫喎
裸考先型
」晞澄:「唔好玩啦好認真咁講
」我:「其實我都好認真
費事嘈到你地啦係咪先
」晞澄:「你唔想咁多人咪我地溫
有時最多叫埋呀穎
你條友又唔係讀唔到書,
平時講兩句你就識,
一齊溫啦
」我:「唔好搞喇
溫書咁悶
」晞澄:「但真係好快會考喇,
其實時間真係唔係得返好多
」我:「我地學校都收得唔高分
你驚咩啫
」晞澄:「
」我:「杞人憂天啦你
」晞澄:「我唔想喺中六見唔到你呀,
明唔明呀xx賢(我全名).」
講完之後我地停咗一停
睇得出佢又唔係嬲,
只係真係好認真
唔知點解見到眼前嘅佢,
我冇諗住按自己諗法去做,
反而好想去迎合佢,
即係嗰樣野我唔鍾意都好,
但係我嗰刻就係將佢嘅意願擺喺自己之前
可能我好少見佢咁認真講啦,
點解咁易動搖
嗰陣我都唔知,
我:「咁呀
唉好喇好喇,
講明先一個禮拜最多三日
」晞澄:「嗯
」跟住佢就笑返,
女仔真係騎呢,
成日都變臉
不過講開又講,
都係呢個樣吸引得多
雖然佢個格係衰,
但無可否認,
佢笑起上嚟嗰陣真係好靚.