[真人真事][校園][純愛]《總有一天，會再次遇見》: 第二十二章

咁樣係禮拜六,
一早就起咗身
事關我都唔知,
當我等佢補完習之後要做啲乜野
食野
又好似唔係好特別,
喺條街周圍遊蕩,
又好似騎騎呢呢咁樣
所以我都係早啲起身,
諗下一陣做啲乜野




嗰陣嘅我真係覺得自己好折墮
玩出禍不特止,
氹返人嗰下先至抵死
最慘個原因竟然係因為抄功課
或者後來嘅我明白點解我當日要咁樣做
不過嗰陣時唔知真正嘅原因係乜,
講返當時先啦
跟住我就突然醒起原來附近有冒險樂園
中學雞係咁架啦,
成日都俾冒險樂園昆錢




唔係咩叫中學雞先得,
講開又講以前細個真係好鍾意去冒險樂園
反而大個咗就真係好少去
細個成個叫屋企人帶我去,
反而大個咗,
有咗自由之後,
幾年都唔去一次
咁樣今次咪當自己去埋一份玩囉
睇下入面有乜野唔同都好,
跟住嗰日我就早啲出門,




因為我要先去冒險樂園換金幣
唔好話我睇死晞澄條友,
到時一定係諸多藉口話唔去
佢話唔去,
咁我到時個計劃咪前功盡廢,
所以一定要早啲出門口,
俾一大堆金幣佢睇
等佢反應唔切唔可以推搪
唔知佢鍾唔鍾意玩呢
不過我就主觀覺得佢一定鍾意玩,
邊有中學雞唔鍾意去冒險樂園呀,
我就冇錢帶佢去海洋公園
冒險樂園粗粗地都頂住先啦
不過老實講其實信心都一半一半,
有時見到佢咁冷淡,




我都真係俾佢嚇怕咗
希望一陣順順利利啦.

之後我就出門口換金幣,
換完之後就拿拿臨去補習社
我好記得一點三就去到,
跟住就喺度等晞澄
過咗冇幾耐就見到上次嗰個狗公
原來呀穎真係冇講錯,
條狗公真係等佢放
佢見我唔到呀
咁就仲正
等我睇下佢做啲乜先
再過多一陣就見到晞澄喇
我知有啲人好鍾意見到女仔著便服,




但我就覺得冇乜野,
咪又係咁
不過今日可以睇多啲,
就係原來晞澄著便服都幾好睇
唔知你地有冇共鳴啦,
有啲女仔著校服特別靚
有啲就調返轉,
著便服先靚
反而著校服就平平無奇,
講真嗰句晞澄著校服同埋便服都係咁好睇
佢今日著住一件紅色冷衫,
一條深色牛仔褲,
粉紅色波鞋,
孭住個袋
其實好多野都唔係好特別,




不過夾夾埋埋就好自然
望落去好舒服,
佢唔係驚為天人嗰隻靚,
反而係純樸嗰種
呢啲就各有取向,
我就覺得幾好睇
當晞澄出咗嚟之後,
我就見到嗰隻狗公即刻行上去
講啲乜野我就聽唔到,
因為大家個距離唔近
但見到晞澄個樣咁尷尬
又係咁耍手擰頭,
都知唔慌係好野
呢個時候我就出嚟喇
扮晒野咁樣講,




我:「晞澄你放咗喇 」
之後我見到佢兩個都呆咗
佢地覺得可能好奇怪
點解我呢條粉腸會喺度
咁易俾你估到咩
我:「你唔係話今日要去邊度邊度咩 」
之後晞澄就即刻扮野,
晞澄:「係喎快啲啦趕時間呀
X狗公全名)你下次唔好再自己嚟,
搞到你好似今日咁樣白行一趟就唔好啦
同埋我對你都冇興趣,
唔該唔好成日行埋嚟,
希望你明啦 」
之後我見到狗公成個人落晒形
仲喺度仇視我
肯定係覺得我搶咗佢女神啦
跟住我地就走咗,
狗公就戇居居咁樣原地站立.