[真人真事][校園][純愛]《總有一天，會再次遇見》: 第六章

咁樣喺嗰日嘅放學,
我就要乖乖地留堂
做埋份閱讀報告佢,
呀邦原本想同我放學一齊去打機,
但係依家冇計啦
返屋企先慢慢打
佢都有問我點解咁失策
咁都唔記得帶本書返嚟,
但我邊度講得出口
你估我唔驚俾佢笑咩




呢啲野一定唔可以俾人知
所以我淨係話尋日自己低能,
拎完本書出嚟,
唔記得擺返入去書包
咁當然啦,
梗係唔少得俾成班潤
鬼叫成班得一個人要留低咩
我都預左架喇,
係估唔到呀邦條蛋散都笑埋一份
正一食屎狗,




最慘我又冇得還擊
但係老老實實,
我寧願咁樣,
都唔想俾其他人知真正嘅原因,
因為當時嘅我覺得,
真係好羞恥
最羞恥嘅係,
係我自己自願去做,
俾人誤會係狗公就唔好啦
我就好簡單嘅啫




咪當係我用行動嚟道歉,
但係其他人唔知架嘛,
就係咁先搞笑.

跟住我就去左操場嗰度做
點解要落去操場
因為喺上面啲人好鬼嘈
我本身個人又係煩,
一認真諗野嗰陣就唔可以俾人嘈
好彩老師批准
如果唔係真係大鑊,
做做下,
突然見到隔離有人坐低
咁我就梗係下意識望一望係邊個,
點知原來係晞澄




咁之後我就梗係問佢,
我:「做乜坐過嚟 」
晞澄:「張凳寫左你個名 」
我:「想問下點解啫
如果我話係你係咪即刻起身唔坐 」
晞澄:「唔係喎.」
我:「咁咪係囉 」
晞澄:「點解要咁樣做 」
唔通佢知道左,
呢個時候我梗係詐傻
我:「咩叫點解要咁樣做
唔知你講乜 」
晞澄:「唔使扮野喇
之前明明見住你上堂偷睇嗰本書,
唔使唔認 」




原來俾人發現左,
嗰一刻真係好尷尬
但我當然要扮冇野啦,
如果唔係就會失霸氣
咁就落下風架喇,
我:「有冇人話你觀察力好高 」
晞澄:「咁又好似冇,
你係咪讚緊我 」
我:「自己解讀啦
得閒死唔得閒病 」
晞澄:「咁我當係架喇 」
我:「嗯 」
晞澄:「你都未答我 」
我:「咩 」
晞澄:「點解要咁樣做 」




我:「你咪當我咁樣代表向你道歉囉
之前食左你個菠蘿包,
同埋你呢啲目標係a嘅學生,
同我呢啲但求合格嘅,
閱讀報告點睇都係你緊要啲
去街市買魚都會搭棵蔥啦 」
晞澄:「你講錯少少,
唔係菠蘿包
係菠蘿油 」
我:「都係一樣啫 」
晞澄:「唔同架 」
我:「係係係 」
晞澄:「多謝你先,
雖然你個人都仲係好討厭 」
我:「哦




你想我點樣俾反應你 」
晞澄:「唔知你呀,
你想點樣俾咪點樣俾.」
我:「哦.」
之後晞澄望一望我份野
佢指住個題目講,
晞澄:「呢度係要你寫乜乜乜乜.」
我:「咁好死教我點樣做 」
晞澄:「唔鍾意欠人野 」
之後佢真係教我點樣做
嗰一刻先知,
原來佢中文都幾乸勁
你知我平時少睇書
上堂又唔留心
梗係乜都唔識啦,
原來佢唔係
基本上每一條都可以指出,
問題要我地答乜野,
喺嗰一刻,
唔知點解大家嘅隔膜好似冇左咁樣
大家坐到好埋
佢講乜我就寫乜,
寫寫下發覺,
原來都唔係好難
點解之前會咁豬兜
唔知點樣做嘅,
跟住做左半個鐘左右,
我就拎返上去俾老師
終於都走得.