[真人真事][校園][純愛]《總有一天，會再次遇見》: 第四章

嗰一排我地都係正常咁樣上堂啦
冇乜特別
不過我同晞澄就好少講野,
之前都講到,
佢同我右手邊嘅另一行,
話就話另一行,
但係其實好近
你可以當係隔離位咁樣睇,
雖然佢之前無啦啦啤住我
咁老實講,




我都覺得佢係一個幾靚嘅女仔嚟嘅
唔係話特別留意佢,
只係上堂望住風景發夢嗰陣,
間唔中都會望到佢
我見佢成日都同其他人傾計,
甚至乎同呀邦都有
不過就硬係冇試過同我傾
只係好普通嘅隔離同學關係,
最多都係有時傳野食嗰陣,
會傳埋俾我




但係講嚟講去都係嗰幾句
「食唔食呀 」
「呀邊個邊個話鍾意就攞去 」
咁我次次都淨係話食
大家講嘅野好單調,
完全冇進一步嘅溝通,
咁樣喺嗰陣,
我完全唔識同人地增進關係
唔好話女仔,
男仔都唔識啦




我淨係覺得,
晞澄呢條友咁q串
唔知係咪俾佢話過嚟,
我總係覺得佢睇我唔順超
當然啦,
嗰陣嘅我都係估啫
不過我咁樣諗,
既然你睇我唔順超,
我咪用同樣嘅態度對返你囉,
以前中學雞嗰陣,
就係咁幼稚架啦
有時呀邦都會問,
呀邦:「你同Charlotte點解冇野講嘅 」
你地冇睇錯,
唔係我特登想搞亂你地




一時晞澄一時又Charlotte,
只係我個人唔鍾意叫人個英文名,
但係偏偏啲人叫晞澄係叫Charlotte
言歸正傳先,
我:「唔啱傾咪冇囉 」
呀邦:「唔係掛,
佢咁靚女又咁隨和都冇 」
我:「唔知呀
其實係咪你地吹水,
佢份人好隨和咩 」
呀邦:「你知有啲靚女好衰
恃住自己靚就零舍囂張,
但係Charlotte真係冇 」
我:「你咁鍾意佢溝左佢囉 」
呀邦:「唔係我嗰類 」




我:「挑,
講到好似有得揀咁樣 」
呀邦:「諗下都得呱 」

之後有一日放學,
行出去學校門口嗰陣,
覺得有啲肚餓
但係又唔想行返入去學校間小食部
咁就決定去屋邨個商場
睇下邊度有野食,
跟住自己諗諗下,
去麵包舖買都唔錯
一嚟夠平,
你知中學生邊有咁多錢
就算有都係留返嚟打機




二嚟夠飽,
食一個就可以頂到去夜晚
跟住我就同呀邦兩條友入左去麵包舖,
佢就唔肚餓,
都係志在一齊吹水先嚟啫
所以就得我買,
跟住見唔到我平時成日食嘅腸仔包
淨係見到菠蘿包同埋嗰啲好多醬嘅包,
你當係嗰啲pizza包咁啦
我本身就唔鍾意食好多醬嘅野
唔只係包,
基本上乜都係,
所以我嗰陣就揀左菠蘿包
正當我俾左錢之後,
我見到晞澄行左入嚟




睇得出佢同嗰個老闆娘好熟,
因為一行入嚟就話:「今日要一個菠蘿油丫姨姨,
唔該晒 」
咁樣都唔叫熟
跟住老闆娘就話:「澄澄今日唔好意思呀
最後一個俾左呢個男仔呀,
你地係同學 」
之後我同晞澄就對望,
晞澄:「原來係你 」
我:「做咩 」
晞澄:「我俾返錢你,
可唔可以俾你個菠蘿包我 」
我心諗,
你條友平時咁串嘴
又唔志在錢
做乜要俾你食
同埋我真係唔食好多醬嘅包
得返菠蘿包係會食,
仲諗住我俾你
咁之後我就梗係拒絕啦
我:「唔得喎 」
晞澄:「唔該你丫
最多我俾得double喇
好想食菠蘿油呀 」
我:「好囉 」
晞澄:「唔該你丫 」
我梗係冇咁蠢
俾你講一講就肯制
之後我即刻喺佢面前奶個菠蘿包
咁串嘴丫嗱,
你估靚女大晒
我就唔似你班狗公受你點
我:「點呀
仲要唔要 」
晞澄:「衰人
你唔止變態,
仲好衰格
唔俾咪唔俾囉,
好好玩咩 」
我:「我覺得唔好玩就唔會玩啦聰明 」
晞澄:「衰人 」
之後我同呀邦就走左,
行行下呀邦問我
呀邦:「唔係講笑,
頭先你真係好賤 」
我:「又係你話佢玩得,隨和,
都係同佢玩下啫 」
呀邦:「我見佢個樣好嬲喎 」
我:「話之佢,
對我冇乜影響
你估靚女大晒呀
唔講嗰句都講埋,
頭先得返菠蘿包同埋pizza包,
你知pizza包好多醬,
我就最憎食咁多醬嘅包 」
呀邦:「藉口
根本就係你想整蠱人 」
我:「唔否認嘅哈哈
不過啱啱真係好衰 」
呀邦:「都幾架,
特別係你奶個包嗰個樣
真係好摟打 」
我:「佢應該冇野呱
咁小事點會嬲咁耐
第二日就乜事都冇.」
呀邦:「你係整蠱人嗰個梗係覺得小事啦 」
我:「求其啦,
嬲咪嬲,
又唔使靠佢抄功課 」
老實講,
其實嗰晚自己沖涼都喺度諗,
好似真係玩大左
特別係見佢最後嗰個樣,
好似係真嬲
始終大家都係坐隔離,
關係好點都好過關係差
多一個朋友梗係好過多一個敵人,
都係聽日同佢講返句唔好意思算
冇野嘅,
成日見佢笑得咁開心
應該唔係嗰啲好記仇嘅人嚟呱.