士多啤梨雪糕的約定: 足球生涯 （四）

哨聲再次響起 失緊兩球 我哋只有慢慢冷靜進攻 唔可以再失控球權 8分鐘 仲有8分鐘時間比我地玩..

20分鐘 我哋係中路創造到攻勢 以作為正前鋒嘅我你所當然係最前現身攞波 我攞完波之後發現 側邊有六個包圍我
你估我係恩尼斯達呀？定係你哋係警察要我放低手頭上嘅武器跟住打柒我？但事實上我真係有恩尼斯達嘅影子
因為練波嘅時候教練教過我—La Croqueta
小白嘅其中一招成名技 我嘗試用呢招過人 我發現原來真係好實用 咁又輕輕鬆鬆俾我過咗六個 同扭雪糕筒冇分別
我呈單刀狀態 龍門當然出嚟對我位封位
係佢訓落地禽個波嘅時候 我輕輕用我嘅左腳 一下掃把腳s射咗去遠柱
2:1！
我二話不說即刻起身執翻個波務求係5分鐘之內追多一球




我相信我哋得嘅.

24分鐘 望住文倫係禁區頂射咗球好靚嘅cur波
我就已經知道我哋真係追和左
入咗 真係入咗 一定係入咗
我哋開心到全班人攬埋一舊

「嗶 嗶 嗶嗶」長雞一響 終於進入到十二碼決勝階段
堅持往往都可以勝利 我哋又可唔可以呢？





我係第六輪射嘅 前面五輪嘅都射得好好
望住對面球員將個波放左係十二碼點上面 向後退
一步 兩步 三步 四步 五步 六步 七步
全力向前跑 拉弓 完美用腳面將個波帶到去左上角
jacky連反應都冇..

我不禁倒抽一口涼氣
我好驚 突然死亡階段 射失1球 等於射失100球
點解第一年就要我承受啲咁嘅壓力
觀眾席上有歡呼聲 有人叫我加油 有人幫我打氣




大概嗰啲人嘅面貌我都唔係好記得 但係有一個例外
我到而家都記憶猶新—我當時嘅女朋友—芷晴

佢不斷揮動手上面嘅繩 如果我冇睇錯嘅話應該係繩
呢條我哋拍咗拖一個月嘅時候我買比佢嘅繩
佢咁落力幫我加油 總不能虧付有心人吧

到我啦 但繼續勝利定係迎接死亡嘅階段
邊個可以話事..

（歡迎留言話俾我聽你想睇贏波定輸波
下一集將會由芷晴嘅視覺出發）


待續—