士多啤梨雪糕的約定: 足球生涯（二）

人哋話球場如情場，情場如戰場，咁即係我哋踢波根本上就係去搏殺，同埋呢班好兄弟好隊友一齊上沙場殺敵。
踢波真係好浪漫—


5月29日 星期五
一個永遠都唔會忘記嘅日子
第一年踢波嘅我 同埋
我哋呢班夾咗一年 緊緊一年嘅時間嘅f.2仔破左學校記錄
第一次晉身學界決賽 雖然我哋都只係D3
但呢個都係學界決賽呀唔係咩？





呢一次決賽，係我哋人生中第一次決賽
賽前我地都預計我哋同對手有一定實力差距
但係我哋冇驚過
一定要盡力 就算輸都要輸得好好睇睇

上半場係戰術方面教練做咗調動
將來我由正選打落後備
希望上半場嘅逼搶可以做到效果令到對面後衛體力透支等我落到去可以用速度同體能贏盡佢哋等佢哋食塵
事實係其實我唔甘心點解我唔可以踢晒全場




開波之前 望到佢哋喺中圈附近圍埋一齊
「Wooooooooooooooo,1,2,3,XXX!!!」
我不禁有少少心酸


事實係殘酷㗎 比賽都係 不幸地因為一個失誤半場我哋輸緊1-0
係時候落場啦 係時候到我嘅showtime啦
望住觀眾席 因為已經放咗學而黎幫我地打氣嘅同學令到觀眾席座無虛席 我不禁向自己立下承諾
「我要入波.我要贏波.」





待續—