[愛情甜故] 因為一次睇到佢打飛機,所以我地變咗做炮友: 番外篇2--想把那些時間補回來

我驚訝地嗌咗一聲出嚟，然後回頭望，「子朗！」
「中意嗎？」葉子朗見到我嘅反應，瞬間就露出笑容
「中意呀！」我接過玫瑰花，一大束，大到擋住我塊面，「你特登去買㗎？」
「一早就訂咗㗎啦，啱啱係去咗拎，想比個驚喜你嘛！」葉子朗行到我面前
「多謝你呀！我好中意！」我企起身飛撲過去攬住佢
「芷諾。」葉子朗嗌我一聲，我鬆開咗手，定睛望住佢，佢好認真咁望住我，就好似要表白一樣，「我同你真係兜兜轉轉咗好耐，先可以再喺埋一齊，我真係好愛你。我知道過咗去嘅事冇得補審比你或者重頭嚟過，但係我想要盡我嘅能力令你開心，令你幸福。」
我聽住佢講嘅時候，特別想喊，眼眶已經泛紅起嚟，眼淚都已經慢慢滲緊出嚟
「我以前…做錯咗好多事，令你受委屈，令你傷心難受，要你跟住我偷偷摸摸咁過，嗰段時間亦係我最想補番比你，因為錯嘅係我…」葉子朗一臉誠懇，語氣中夾雜咗後悔，「我地花咗好多時間，但都係去番對方嘅身邊，我唔想再放你走，唔想再放你離開我嘅身邊，所以…」
葉子朗講完「所以」二字之後，忽然單膝下跪，喺西裝外套中拎一個紅色嘅盒出嚟，對住我打開咗個盒
盒入面放咗一隻鑲咗一粒鑽石喺中間嘅戒指


喺佢下跪嘅瞬間，我嘅淚水瞬間湧出嚟
「方芷諾。」葉子朗久違地直呼我全名，「嫁比我，我以後都唔會再放你走，唔會再比你走，你嘅下半生幸福由我負責，我想娶你做我老婆得唔得呀？」
我嘅手輕輕蓋喺嘴前，蓋着鼻同嘴，眼淚流到我嘅手背
「嗯！我願意…」我用力咁點頭，「我願意！」
葉子朗瞬間企起身用力攬住我，然後將戒指套喺我左手嘅中指上
我地拍咗一個月拖，然後佢就求婚啦…
喺行禮嗰一日有好多人嚟觀禮，靜瑜係我嘅伴娘，洛天恩同周樂恆都有嚟
教堂嘅大木門一打開，我見到葉子朗著住黑色嘅西裝，我手上拎住花球，喺爸爸嘅帶領下走到呢個陪過我下半生嘅男人面前
我同佢相視而笑，眼神中流露出甜蜜同幸福
當我出去掉花球嘅時候，洛天恩接住咗我嘅花球


意想不到嘅係佢竟然行到去周樂恆嘅身邊，周樂恆同佢對望然後兩人一同笑起嚟
我同葉子朗結咗婚之後，享受咗一陣二人世界先開始努力造人
宜家已經有咗五個月多啲，已經知道BB係女仔嚟，葉子朗知道之後，嗰晚開心到瞓唔着
就嚟做媽媽，個感覺都好唔同，唔知女女出世之後會似邊個多啲呢？
我行到去廚房門口，望住喺入面煮飯嘅葉子朗，心中多咗一份溫暖
「你快啲番出去坐啦！」葉子朗回頭見到我企喺門口便命令道，「快啲！」
「係啦！」我乖乖地行番出去梳化坐低
葉子朗煮完嘢食行出嚟，放咗個碗喺餐枱，然後就叫咗我過去
「BB你要吸引多啲營養呀～」葉子朗嘅手輕輕放喺我肚上面，溫柔地笑道
或者因為葉子朗好快就做人爸爸啦，佢慢慢成熟起嚟，對屋企好有責任心，平日都好努力工作


「辛苦你啦老婆…」葉子朗抬頭望向我，心疼地將手放喺我臉頰上
「老公。」我將頭靠喺佢博頭上，「遇到你真係好…」
葉子朗笑而不語
同自己愛嘅人一齊，先會覺得幸福快樂
兜兜轉轉都係葉子朗，兜兜轉轉都係方芷諾…
始終如一，此生不渝

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link