[愛情甜故] 因為一次睇到佢打飛機,所以我地變咗做炮友: 158.S343.你以為我不知道你的性格嗎?

的士到站之後，我輕輕拍葉子朗
「到啦…」我微微一笑，「落車啦～」
「嗯…」佢微微睜開眼，但仍然係一臉難受
我先落車，幫佢開住度車門，我企喺行人路上等佢
葉子朗一下一下用手支撐住個人向左邊退出嚟
佢踏出的士嘅同時，我伸手扶住佢
我扶住佢去到一間診所門口，然後推門入去
「坐低，我幫你登記咗先。」我扶住佢去到旁邊嘅皮質梳化上坐
我行去櫃檯，同坐喺入面嘅護士登記
坐咗一陣之後，聽到醫生房「嗒」一聲開咗


「葉子朗，可以入去啦。」護士喺登記處嗌道
「行啦…」我先企起身，扶起葉子朗入去見醫生
我扶住葉子朗喺醫生隔離坐低，我企喺旁邊
「坐一下。」我話，「小心…」
「嗯…」葉子朗迷迷糊糊咁點頭
「醫生，佢今日淋過雨嚟。」我望向醫生
「嗯…等我幫佢再睇下。」醫生點點頭，然後望住葉子朗，「你有邊度唔舒服呀？」
「頭暈，好熱…」葉子朗答
「嗯…」醫生拎出探熱針，放入葉子朗口入面，「含住放喺脷底一陣。」
過咗一陣，醫生幾支探熱針出嚟，然後將個包住探熱針前端嘅膠套掉咗


「發燒，陣間出去拎藥，番去好好休息下啦！聽日係公眾假期，休息下唔好周圍去啦～」醫生望一望葉子朗，然後又望一望我，「食得清淡啲，唔好食熱氣嘢。需唔需要寫醫生紙？」
「唔洗…」葉子朗搖搖頭
「出去等護士嗌名攞藥啦。」醫生點點頭，然後㩒一㩒喺枱底嘅制，房門「嗒」一聲開咗
葉子朗搖搖晃晃咁企起身，我拉開門，佢就行咗出去，坐番喺梳化上
過咗五分鐘都冇，護士就叫名話可以攞藥
「呢個係退燒藥，三個鐘頭食一次，每次食一粒。」護士指住最左邊嘅藥丸，再指一指另一隻藥，「呢個如果佢有嘔就比佢食，冇嘔就唔洗。」
「唔該。」我比完錢之後就拎住個藥袋行番去葉子朗面前，「番屋企啦～」
「嗯…」葉子朗望住我點一點頭
佢用我個人嚟借力，我扶住佢行到番去佢屋企
「鎖匙喺邊呀？」我問佢


「喺袋入面…」佢一邊講，一邊伸手入褲袋鎖匙
佢拎咗串鎖匙出嚟，然後開咗鐵閘同大門
「你行入去先。」我喺佢後面扶住佢行入屋入面
佢將鎖匙扔喺餐枱上面，一手㩒住張枱，佢直接踩住鞋踭除咗對皮鞋，然後另一隻手除咗對襪就咁掉喺地上面
我幫佢閂咗鐵閘同大門，然後除咗高踭鞋，我對腳攰死啦今日…
「食咗藥先啦葉子朗～」我將白色嘅膠藥袋放喺枱上面，然後彎下身執起佢對襪行入廚房掉去洗衣機
我打開水龍頭洗一洗手，然後伸手去隔離放杯嘅位置拎起一隻玻璃杯
「咦…」我伸手去擰佢嗰隻玻璃杯嘅同時，發現杯架上仲有另一隻倒轉放嘅杯
一隻上面印咗「Just kiss me」嘅水杯，係我好熟悉嘅嘢嚟，因為呢隻杯…係我㗎…
但係宜家首要嘅，唔係呢隻杯，係病到一個點嘅葉子朗
我喺水壺度酙咗杯水然後拎出去，我打開藥袋，拎咗包退燒藥出嚟，然後喺袋仔入面拎咗粒退燒藥出嚟
我手上拎住粒藥，同埋拎住杯水行去梳化
「嚟，起身先～」我坐喺佢隔離扶起佢
葉子朗一臉不情願咁將粒藥放入口，然後呷咗啖水，然後又無力咁側瞓咗喺梳化上面
「去沖個熱水涼先啦！」我拍一拍佢，佢只係望一望我，然後默默坐起身


我伸手扶佢一把，佢坐好起嚟，然後定睛望住我
「我留低喺度睇住你…」我話
「唔洗…我okay...」佢企起身，然後行入房，「我…照顧到自己…」
「你一定唔會照顧到自己囉…」我細聲咁講
「我可以…」葉子朗話
「你以為我第一日識你？」我既無奈又擔心咁講，「我一走咗你就唔會好好食藥…而且冇人喺你身邊照顧你，我…唔放心…」
葉子朗冇回答，我就企起身行到佢房
「你快啲去沖個涼先…」我行到佢房門口，喺佢房門口望入去，我以為佢灘咗喺床度，點知佢除緊衫，「對唔住呀！」
我即刻紅了臉擰轉身
「全身上下有邊度你冇睇過…」佢好冷靜咁講咗一句

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link