[愛情甜故] 因為一次睇到佢打飛機,所以我地變咗做炮友: 109.S252.新生活開始

「芷諾...唔好喺廳度瞓啦~」周樂恆輕輕拍我博頭
「嗯...~」我伸咗個懶腰
「攰就瞓一陣啦~食得飯叫你啦~」周樂恆笑咗一笑
佢簡直就係「住家好男人」仲要係個暖男添
又識得煮飯，上市公司總裁，有錢，溫柔體貼等等
優點數都數唔晒，缺點都冇幾個
重點係佢對我好，對我爸媽好，孝順仔一個，我有事嘅時候一定會喺我身邊
簡直係個「只應天上有」嘅絕種好男人，咁好嘅男人去邊度搵呀?
大家都應該會同我講「咪係囉!方芷諾你執到寶啦!」
嗯...我都係咁諗，但可惜呢一刻嘅我...對佢冇感覺...


我坐咗一陣，隻腳有D痹，我就推開個趟門，行咗出露台
32樓呢度可以望晒下面D降築物㗎~
突然有把聲喺後面傳嚟
「你小心呀，唔好吹風呀!」原來係周樂恆
「咩啫，宜家秋涼呀~都唔係好涼啫~」我嘅手放喺個博上面，然後一手托住頭
「唉...真係驚咗你...」佢嘆咗口氣，然後除咗佢件西裝外套披咗喺我身上，「你唔好咁固執啦...宜家除咗你自己之外，都要顧埋你肚入面嗰個㗎~」
「恆...你係因為個BB而娶我，定係...」我停咗一停，「定係因為你中意我...」
「兩個都係原因，但後者嘅比重佔多D~」佢一副天真嘅樣嘅笑起嚟
「嗯...」我點點頭
......


食完晚餐之後一陣，其實都唔算一陣
因為過咗兩三個鐘之後我先去沖涼，沖完涼再望下鐘都成11點
我入番房，見到周樂恆拎咗佢個枕頭，同埋拎咗張薄被
「你拎D嘢去邊呀?」我爬上床，然後望住佢抱起D嘢
「你都應該唔想同我一齊瞓㗎啦~我出廳瞓。」佢微微一笑
佢講完，就出咗去，好順手咁閂埋個房門
我四處張望，間房其實都幾大
「間房咁大，得我一個人瞓...」我爬入被窩入面，「唔緊要，我都瞓到嘅~」
張床好大，同我之前瞓嘅單人床都好唔同
雙人床大好多，但得我一個人瞓...可以滾來滾去都唔洗驚話跌落床


......
瞓到半夜我又起咗身
急尿...
我去完個廁所，覺得有D涼，屋企已經冇開冷氣，仲係涼浸浸咁
我行出兩步望向廳，望到周樂恆瞓咗喺梳化，攬住條攬枕熟睡中，張被仲要跌咗一半落地下
再望過小小就發現原來露台冇閂實個門，只係掩埋咗，仲有個條縫位喺度入風
我行出去廳，行到去露台嗰度
「唉...入晒風啦...」我一邊細聲講，一邊閂番實個玻璃門，然後轉身望向瞓喺梳化嘅周樂恆，「又唔蓋好D張被...」
我行到去佢隔離，彎下腰幫佢蓋番好張被
「仲要唔閂電視，點瞓呀...」我再行去電視櫃前面，閂咗個電視佢，放番好個遙控
佢嘅手喺張被入面跌咗出嚟，掂到個地下
我地新屋個地板仲要係木嚟...唔着拖鞋踩落地應該都幾凍下...
「唉...」我又行番去佢隔離跪低，將張被稍稍提高，然後將佢隻手放番入去再蓋番好張被
我望住佢熟睡嘅樣，無奈咁笑咗一笑
「好快你就做人爸爸啦...仲成個小朋友咁，都唔識照顧自己嘅...」我抿抿嘴，「瞓覺又唔蓋好被，又唔閂好露台度門，攝親點算呢...」


我企番起身，然後番入房，輕力閂埋門
聽日仲要番工，我要...繼續瞓先得...
如果唔係...就唔夠...精神啦...


IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link