[愛情甜故] 因為一次睇到佢打飛機,所以我地變咗做炮友: 94.S237.當總裁與小員工打邊爐時(上)

食完嘢我地就番咗公司
一番到去，就見到Stephen Li坐咗喺對住周樂恆辦公室門口嘅梳化上面
「Stephen?今日冇約你見面㗎?」周樂恆比佢嚇咗一嚇，然後望一望我，示意叫我睇schedule
我即刻打開schedule
「今日冇booking。」我話
「今日係冇booking，但因為我突然醒起個project有D嘢想再傾下，一時倉猝冇通知你。」Stephen Li企起身
「下次記得book咗先，不過算你好彩，今日我冇嘢做。」周樂恆笑咗笑，「Venus去酙兩杯咖啡。」
「知道啦。」我點點頭，然後就行去茶水間嗰邊
「Venus...」
我擰轉頭，望到阿Wing企喺門口


「做咩呀?」我見佢一臉欲言又止咁，「有嘢要講?」
佢行到嚟我身邊，但佢冇講D乜嘢
「我同佢分咗手啦，好彩有你咁樣提我，如果唔係，我都唔知自己要比人厄幾耐呀~」我細細聲咁同佢say thank you
「如果唔係我話你知，你地都唔會分手，我始終都有D過意唔去。」阿Wing雙手捉住個水杯，然後一臉抱歉咁
「我要多謝你就真，我冇事呀~我ok喎~與其比人厄咁耐，快D了結唔好咩?」我微笑道
「你真係冇事?冇怪我?」
「我冇事呀!冇怪你呀!」
「咁就好啦...」佢苦笑道
「得啦!唔好再愁眉苦臉啦!」我笑住咁講，「今晚去打邊爐好唔好呀?」
「好呀!我好耐都冇去打邊爐啦~」阿Wing笑番


「你問下阿豆同阿Wind去唔去呀~」我話
「好呀~」佢點點頭
「好啦，我沖完咖啡啦~我番出去先啦~」我拎住兩杯咖啡
我行到周樂恆嘅房門，然後敲門，再行入去
「咖啡放枱面就得啦。」周樂恆話
我行過去，將兩杯咖啡放咗喺佢枱面
「如果冇其他吩咐，咁我就番出去做嘢先啦。」我望向周樂恆
「Venus，今晚一齊食飯?」周樂恆問我
「你當住我面約女秘書食飯呀?」Stephen Li望住佢笑住咁搖搖頭
「做咩呀?想去呀?」周樂恆笑住咁講


「一齊食個飯都唔係咩大問題嘅~」Stephen Li聳聳肩，「反正都未同過Venus食飯。」
「Venus...叫到咁親切嘅?」周樂恆望住佢，「一早識㗎?」
「機緣巧合下識咗囉~」Stephen Li望咗我一眼，我微微一笑
「咁今晚食唔食飯呀?」周樂恆望向我
「呃...今晚應該唔得，我約咗阿Wing佢地去打邊爐...」我話
「打邊爐...都好喎!」周樂恆瞬間就話ok，「點呀Stephen，去唔去呀?」
「今晚呀?唔去啦，打邊爐唔啱我。」Stephen Li話
「咁你同佢地講加多個人啦!」周樂恆笑一笑
「好...好嘅...」我點點頭，「咁我番出去做嘢啦!」
我番到出去，就行咗出去阿Wing佢地個位度
「今晚打邊爐，我地都ok!」阿Wind話，阿豆轉過嚟望我點點頭
「做咩咁嘅樣呀?咁苦惱嘅?」阿Wind皺起眉
「做咩呀?比總裁鬧呀?」阿豆行過嚟
「唔係呀...」我搖搖頭，「總裁話一齊join埋我地食飯...」
「吓!?」阿Wing喺我隔離嗌咗出嚟


「嚇死我啦!」我望向阿Wing
「同老闆食飯...會唔會死...」阿豆話
「冇事嘅...佢地都好nice嘅...」我話
「望就咁望啦!」阿Wind話
果然對大家嚟講，要同老闆食飯都好大壓力...
你可能會問我點解我會冇事
咁我只可以講，因為我唔係第一次同周樂恆食飯
就算係以前中學嗰陣都成日一齊食飯，當然啦...我指仲一齊緊嗰陣...
我諗其實冇乜嘢嘅~周樂恆份人好nice嘅，都唔會話D咩嘅
但見佢地個反應，我真係哭笑不得
因為佢地驚同老闆食飯，但我又知道周樂恆唔會點
但我諗今晚食完飯，佢地就會知，其實真係冇事，亦唔洗驚
......
放工時間...
「Venus小姐，行得未呀?」周樂恆從辦公室行出嚟


「得啦~」我拎埋個袋，拍好張櫈，就跟喺佢身後
一行到出去普通員工嘅正作地方，本來傾緊計嘅佢地一見到我地就即刻平排企好
我真係忍唔住笑咗出嚟...

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link