[愛情甜故] 因為一次睇到佢打飛機,所以我地變咗做炮友: 90.S233.回憶篇:偶爾用功

我喺佢樓下等咗一陣，再上去
「叫我上嚟做咩?」佢一打開門同閘我就問
「冇呀~」佢轉身行去餐枱坐
「哦~有人因為聽日測驗，但上堂又冇聽書，所以叫我上嚟幫你惡補~」我輕輕一笑，然後將個書包放喺枱上面，靠住牆放
「係呀...你都知㗎啦!聽日個測驗佔分好重㗎!」佢托住頭掀書
「其實呢D嘢都係聽書就得㗎啦...」我坐喺佢隔離，然後拎本書放喺枱面
「你係囉...學霸...」佢一臉不屑咁望咗我一眼
「好...幫你囉...」我打開書，「點呀...邊度唔明呀?」
佢圈咗D佢唔明嘅位出嚟，我再解一次比佢聽
再教佢要點樣答呢D題目


「呢D題目都係同一個答法㗎咋!加番D關鍵字落去就得㗎啦~」我寫咗張memo紙貼落佢本書度
「上堂嗰陣都聽唔明㗎!你一教就明啦~」佢雙眼發光咁望住我
「上堂就講進度嘅，好難遷就大家㗎嘛!」我笑咗一笑，「有咩唔明我都可以幫下你，不過最好就自己專心上堂啦~」
「收到收到~」佢笑笑口咁講，「再講下呢度呀!呢度我唔明呀!」
「好呀~」我點點頭
我用Highlight pen幫佢間低D重點，等佢方便D記
「呢度就同上面嗰個concept差唔多，所以用同一方法去理解就得㗎啦~」我指一指上面嗰個論點，我不自覺咁望佢嗰陣發現佢一直望住我，「做咩呀?係咪我講得有D快?邊度唔明呀?」
「唔係呀~我覺得你認真嗰陣真係好吸引。」佢笑咗一笑
「無聊...」我講咗句，然後敲敲本書，「聽嘢啦!陣間你聽日又唔知fail到點㗎啦...」
「係嘅係嘅~」佢即刻再次集中起嚟聽我講解


我望一望錶，嘩!成6點啦!?
原來我講咗成兩個鐘頭啦!我自己都唔覺添...
「你聽日加油啦~」我將D嘢放番入書包
「吓?你走啦?」佢一臉錯愕咁望住我
「吓?我教完你咪走...」我挑挑眉
「陪我食埋飯先啦~」佢一臉誠懇咁望住我，「得，就咁話啦~」
我咩都冇講，佢就即刻跑咗去廚房煮飯
又係咁...又係我冇say no嘅權利
我行到去梳化灘喺度，然後伸手拎個遙控開著個電視
我完全進入一個Hea mode...


突然有個人擋喺我前面
「你擋住我睇電視呀!煮飯啦你!」我抬頭望佢
「你想食咩呀?」佢問我
「你知㗎~」我笑咗一笑
「得啦...」佢知道我要食咩啦~
「葉子朗!」我大嗌
「點呀...」佢問
「雞蛋...」「要多D呀嘛!」
我未講佢已經知道了
「係~呀~」我笑咗一笑
有個人記得我中意食咩真係好呀~
等等...我唔可以咁諗㗎!
食完飯之後，我就孭書包準備走
「喂...」佢伸手拉住我書包條索繩
「又做咩呀...」我回頭望佢


「不如你直接留低呀...」佢又一臉誠懇咁望住我
「唔要呀...我想番去呀...」我無奈咁望住佢
「喂呀~」佢用到撒嬌呢一招，到底佢有幾想我留低，「嚟啦~留啦~」
「唉...」我放棄咗掙扎，除低書包
「耶~」佢一臉自豪咁笑起嚟
「威啦你...」我望住佢
「幾啦~」佢攬住我條腰
「縮手啦...」我輕輕打咗佢隻手一下
「唔要呀~」佢搖搖頭
「縮手...」我無奈咁講，「我要去沖涼...」
「好啦...」佢縮咗手
我行咗入佢房，打開衣櫃上隔，拎咗我D衫褲出嚟
「你知喺邊個可~」佢問
「我知呀~」我攬住D衫行出嚟，然後入咗廁所
我中意喺佢屋企浸浴，因為佢屋企個浴缸大D


呀~暖笠笠好舒服
喺我合埋眼嘆緊嘅時候突然聽到開門聲

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link