[愛情甜故] 因為一次睇到佢打飛機,所以我地變咗做炮友: 70.S213.第一日(下)

我同佢番到公司之後,我就番番埋自己位做嘢
「Venus,我有份文件要交比周生。」呀Wing企喺我面前,「但呢...我手上仲有兩份文件要趕呀~幫我交比周生簽名得唔得呀?」
「哦...可以呀。」我點點頭,接過佢份文件
呀Wing即刻番番去,我企起身,敲佢門
「叩叩...」「入嚟。」
我開門入去
「Alvin,呢度有份文件要比你簽名。」我行到去佢枱前面
「放低呀...」佢話
「咁我出番去做嘢先。」我轉身番出去
正當我伸手拉門嘅時候,佢叫住咗我


「Venus!」
「係。」我即刻回頭望佢
「呢份文件好似唔係你負責...」佢話
「啱啱呀Wing叫我幫佢拎入嚟,因為佢手上仲有文件要處理。」我話
「唉...ok,我知道啦...你出番去做嘢先啦。」佢話
我點點頭,就出番去
我繼續專注喺電腦螢幕上
當我再望手機嘅時候,發現原來已經係6點
「Venus,你走未呀?」周樂恆從佢office行出嚟
「我走得㗎啦…」我執好D嘢,拎埋個手袋


我企起身,閂咗電腦,拍好張櫈
「我送你番去。」佢笑一笑
「唔該你呀...」我話
今日第一日番工算係咁啦~
周樂恆開咗車入面個播歌系統
「你仲有聽呢首歌呀?」我問
「係呀,好聽嘛~」佢望向我一瞬間,「你仲喺住喺以前嗰度?」
「係呀~」我點頭
「咁番工都好遠下。」佢話,「我朝早揸車嚟接你呀!」
「麻煩到你唔好嘅。」我心入面有D唔好意思


「唔麻煩喎~我地咁熟冇所謂啦~」佢話
「咁麻煩你啦...」我微微點頭
佢揸車到我屋企樓下,佢將架車停喺路邊
佢落車然後幫我開門
「唔該你。」我向我嘅左邊轉身然後行出去
「咁我地聽日見啦!」佢閂番車門
「嗯,聽日見啦!拜拜。」我同佢講再見然後就向大廈走去
當我差唔多行到大廈前面嘅時候,我見到葉子朗企咗喺長櫈下望住我
「你喺度嘅?」我加快腳步行到佢面前
「諗住喺度等你嘛...你又會同周樂恆一齊嘅?」佢嘅語氣夾雜住不安同不滿
「喔...我喺佢公司番緊工嘛~」我笑起嚟
「嗯...幾好呀...」佢話,「你都攰㗎啦,早D番去休息啦。」
「嗯,好啦,拜拜~」我微微一笑然後就走入大廈嘅大堂
我一番到屋企就即刻沖涼,然後灘咗喺床上面
呢個時候,手機震咗一下



回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link