[愛情甜故] 因為一次睇到佢打飛機,所以我地變咗做炮友: 55.最終回：「再見」與「再見」

由嗰一日開始,我同佢冇再做過啦!做嘅係做普通朋友囉!
好膠添...
嘻嘻...一年後嘅我終於著住畢業袍畢業啦!
行完畢業典禮,我地留喺學校影相
「喂!方芷諾!」葉子朗拎住手機走過嚟
「咩呀?」我望向佢
「影相呀!」葉子朗將手機遞比佢個frd
「最後先嚟搵我影㗎!?好過份呀!」我嘟嘟嘴,扮唔滿意
「好戲在後頭嘛~」佢笑咗一笑
影完呢張相,佢話會send番比我喎


時間都差唔多啦...我嘅中學生涯完結了...
葉子朗咩袋走,行到我隔離嘅時候,講咗句
「我會等你...」佢細聲咁講咗句
我呆咗一下
「去到英國讀書要開心呀!再見~」佢遞高手
我笑咗一下
所有嘢都變得不再一樣,所有嘢都係...
由一開始,已經冇辦法番轉頭...
記得嗰日喺我同佢離開課室之前,佢講咗一句說話
「方芷諾,我會等你...等到你回心轉意,中意番我。」


有人話「等待」係最漫長嘅告白；亦有人話「陪伴」係最浪漫嘅告白
我覺得兩樣都啱
呢件事要告一段落啦...
我望向我嘅右邊,望住葉子朗嘅背影
其實我一早就知道自己嘅心意...嘻,唔講你知呀!
望住葉子朗嘅背影,我露出咗淺淺嘅笑容,細聲咁講咗句：「希望你搵到自己嘅幸福...再見...」
四年之後...
我喺英國讀完書番嚟香港,番到嚟香港,感覺好親切
真係好想大嗌一句「我番嚟啦!」
我拉住行李行從接機大堂出嚟,唔好問我點解冇人接我


其實本來我阿爸阿媽話嚟接我,但我話唔洗,唔想佢地咁頻撲
所以...
「方芷諾!」
有把好熟悉嘅聲音正在呼喚我
我向聲源望過去,我愕然咁望住呢個離我有D遠嘅人
「葉子朗...」我難以置信咁講出呢三個字
佢向我行過嚟,然後用力咁攬住我
唔知點解,佢攬實我嘅一瞬間,我嘅眼淚就流出嚟啦...
「你終於都番嚟啦!我話過我會等你...」
呢把熟悉嘅聲音...直接打入我嘅心房
「多謝你...多謝你一直等我...我宜家知道我嘅心係點啦!」
呢次,我緊緊咁回擁佢...以後都唔會放開佢...
<全文完>
－－有人希望我出第二季嗎?希望有第二季的話就在下面留言
又或者有冇人希望我開個fb page，等大家知道新動態？想嘅就係下面留言啦!十分感謝!－－