[愛情甜故] 因為一次睇到佢打飛機,所以我地變咗做炮友: 11.假期(下)
我食完早餐,就將D嘢放番入廚房,順手洗乾淨
「喂呀…做咩洗嘢呀喺度...」葉子朗行咗入嚟從後攬住我
「順手啫~」我稍微轉頭一望先知佢原來冇著到上身衫
「啱啱講好咗,食完就做㗎!」佢好似個小朋友咁撒嬌,攬住我搖嚟搖去
「好啦好啦!洗埋隻碟先啦!」我無奈咁笑咗一笑
「唉...」佢突然嘆氣
「又做乜呀?」我一路洗隻碟一路問佢
「原來你連呢樣嘢同佢都唔太似...」
我冇出聲,只係等佢開口講嘢
「痛...痛呀!」我洗完嘢嘅同時,佢喺我博頭度咬咗一下
「做咩咬我呀!」我皺起眉頭望住佢
佢咩都冇講,一嘢就抱起咗我,將我放喺洗手盆隔離
「呢度濕呀!」我啱啱洗完碗,我坐嗰個位有成灘水喺度
「怕咩啫?反正陣間都濕㗎啦~」佢壞笑起嚟
「今日放過我得唔得呀…」我楚楚可憐咁望住佢
「唔要。」
「睇在我琴晚咁晏都過嚟陪你份上就放我一次啦!」
一番懇求之後佢都係...應承咗我~
勝利~
我行番出廳,拎咗成疊功課出嚟做
「一大清早就做功課,果然係學霸!」佢伸手比個Like我
「做功課同係咪學霸就冇咩關係嘅。」我打開作業
「唉…如果我成績好似你咁勁就話啫...」佢拉開我對面張椅坐低
「你可以㗎,又冇人話你唔得。」我拎起筆開始做功課
「你係學霸就梗係咁講啦...」佢伏喺枱上面望住我做功課
「其實呢,每個人都可以做學霸嘅~只係睇你肯唔肯㗎啫~」
「又唔見你教我...」佢突然將問題拉落我度
「做咩將問題推去我度㗎!?」我白了佢一眼
「咁係呀嘛!」佢理直氣壯咁講
「唉…好啦好啦!你有邊度唔明呀!我教你啦!」我無可奈何咁講
佢拎晒佢D書出嚟,我地一齊做功課,佢有唔明嗰陣又會問我
突然...唔想呢個時光咁快飄走...