[愛情甜故] 因為一次睇到佢打飛機,所以我地變咗做炮友: 9.假期(上)
其實我同葉子朗呢段不可告人嘅關係都維持咗一陣㗎啦
佢其實又冇咩好嘅,對我時而溫柔,時而粗暴
我對佢嘅感覺已經成為咗一個曾經
但其實呢段關係我都唔太上心,喺學校都係扮下冇嘢,做個陌生人咁囉
佢同洛天恩成日都分分合合㗎!分完又合,合咗一排又分,呢兩個月嚟,至少分咗三次
唔係我誇張囉...係事實嚟㗎
我一番到課室就有兩個男仔走咗過嚟
「做咩?」我抬頭望佢地
「你真係好勁呀!你個測驗又拎最高分啦!」左手邊嘅男仔話
「得閒教下我地呀!」右邊嗰個男仔講
「好呀!冇問題!」我做咗個ok嘅手勢
佢地行開咗之後我就去開locker
喺我番到埋位嘅時候,坐我隔離嘅葉子朗貼咗張memo喺我枱面
「勁啦你...受歡迎啦!」
我一臉無言咁望住呢張紙,然後再望下佢
「唔關事。」我寫完之後貼番喺佢枱面
佢啤咗我一眼之後就冇再講嘢...我做錯咩呀?
番埋今日就放假啦!太好啦!
但好多功課,雖然我都做咗9成啦!
放學嗰陣我仲好開心咁咩住書包番屋企
一番到屋企,我就灘咗喺梳化度
「唉…屋企又冇人...」我自言自語
灘灘下我竟然瞓着咗,再睜開眼唔陣已經係夜晚8點
「睇下今晚食咩先~」我喺梳化度彈咗起身,走咗去廚房
我打開廚櫃,睇緊今晚食咩公仔麵好
呢個時候我部手機喺度響,我就行咗出廳,拎起個電話
睇住個來電顯示寫住「死人葉子朗」,我真係想cut佢線
最後....我都係聽咗
「喂,做乜?」
「今晚過嚟呀!陪我呀!聽唔聽到呀!」佢好似喺度胡言亂語咁
「喂!你做咩呀?你飲咗酒嚟呀?」我見佢咁樣講嘢就覺得奇怪,覺得出咗咩事
「過嚟呀!我叫你過嚟呀!陪我呀!」佢講完呢句就收咗線
「搞咩呀…」我無奈咁講,然後着咗件T-shirt,換咗條短褲就出咗去
我去到葉子朗嘅屋企門口,不停咁㩒佢門鐘
度門突然一嘢打開,我都比佢嚇一嚇
出嚟開門嘅葉子朗成塊面都紅卜卜,仲著住校服,但解開咗兩粒鈕,呔都扯落咗三分之一
「嘩!你搞咩呀!做乜飲到...」我句嘢都未講完,佢就好用力咁攬住我
「我地分手啦又!」醉到一個點嘅佢開口講
「係嘅係嘅...入番去先好冇?」我輕輕力咁推開佢,然後扶番佢入屋
我扶佢去到梳化度坐嗰陣先見到成地都係啤酒罐,仲有幾罐未開
「唉…做乜成地都係㗎?」我一直自然自語,然後將空嘅罐掉落垃圾桶,未開嘅就擺番去餐枱嗰度
「點解...點解佢唔似你咁...對我咁好㗎!」佢突然喺度大嗌