[愛情甜故] 因為一次睇到佢打飛機,所以我地變咗做炮友: 7.偷偷摸摸(中)
我稍微低頭一望,就見到葉子朗隻手喺我大脾上面游走
我寫咗張memo然後貼喺佢張枱度
「縮開你隻手」
「我唔要」
佢喺紙上面寫住
「縮手啦!比人見到就煩啦!」
「係嘅...」
佢寫完呢句就乖乖地縮咗手
其實我同佢只係單純嘅炮友嚟㗎咋!真係冇其他嘢!
我對佢...曾經啦~但舊事就唔提了!人要向前看㗎嘛!
不過佢有女朋友啦,所以我同佢喺學校唔可以咁熟咁又搭博頭又盛...而且我同佢女朋友...唔太啱key
一個月前佢都有問過我
「點解你就唔同天恩做好朋友,好姊妹?」
坐喺馬桶蓋上面嘅葉子朗問我
「唔啱key咪唔做囉。」
坐喺佢大脾上面嘅我無奈咁講
「不過如果你地做咗好姊妹都幾正!」
「啱呀啱呀!到時就同佢講其實我同你條仔係炮友嚟!上過床好多次添啦!」我咁樣一講佢就笑咗出嚟
「都好喎!」
「你痴咩線呀...」
不過算啦!我同佢嘅關係又冇人知嘅...
聽到小息嘅鐘聲響起,大家都衝晒出班房
「原來咁樣就過咗兩堂啦…」我心諗
我小息嘅時候其實都幾中意去圖書館
我企喺一個角落頭,呢個係我最中意嘅位,因為冇人睇到,出面櫃檯望唔到呢度,因為有兩個大書櫃擋住
「唔...參考書...」我掃視住書架上嘅參考書們
「搵到啦!」我想伸手去拎,但我嘅高度差小小
我得167,雖然都唔矮,但對於喺最上層嘅書嚟講,要拎就真係有D難
突然有人企喺我後面,幫我拎咗本書落嚟遞比我
「唔該。」我轉身過去同佢say thank you
「唔洗。」但嗰個人竟然係葉子朗
我真係想收番句唔該...
我想快D離開佢嘅面前,但佢伸手擋住咗我...櫃咚?
我轉身想行另一邊,佢又擋住
「想點呀?」我望住佢講
「我幫你拎咗本書落嚟,講聲唔該好似唔夠。」佢笑住咁講
「咁你想點呀?」我擠出笑容,心中簡直想打佢一拳
「錫我一啖。」佢講,「呢個位冇人睇到。」
「葉子朗你…!」我都仲未講完,佢就錫咗落嚟
唔係一啖,而係深吻
圖書館入面好靜,我唔敢出聲,唯有任佢魚肉...
過咗一陣佢就停咗落嚟,然後佢拎走咗我本參考書,拉住我從後門走咗去
「拉我去邊呀?」我問佢
「廁所。」佢講完之後就拉住我跑落樓梯
望過周圍冇人之後,佢就一手拉咗我入男廁嘅其中一個廁格入面