起跑吧.....愛的終點線: #3 田徑真係好好玩架！

~~~~~~~~~~~~~~~~~~~~~~~~~~~~~~~~~~~~~~~

“一個麥樂雞餐加大凍奶茶喺度食” 我看看旁邊的樂心問“妳呢？”

她道“孖芝唔洗加大飲可樂，唔該姨姨！”

“我坐嗰邊吖，你搞掂過黎啦！”她轉身走到一個角落坐下。

我站在收銀枱前，看着號碼牌等待着自己的號碼出現





“喂仔！你女朋友幾靚女喎”剛剛那位收銀員打斷了我的思緒，只見收銀啊姨用淫笑看着我，

我回答“啊姨，嗰個唔係我女朋友黎架，我冇女朋友架…”

只見啊姨笑道“唔洗你講都知你冇女啦成個傻仔敢，哈哈”

他應該是我遇過全世界最串的啊姨，真是想一拳窩向他，啊姨嘆息着“唉而家啲年青人……”

他轉身走去，我托着餐盤走到樂心前坐下“敢快嘅？食嘢lu”樂心拿起托盤上的孖芝漢堡小口小口地吃着，





“第二次見妳就要比妳屈咗黎請食M記，真係好差囉……”我打開甜酸醬的膠紙蓋，

“無辦法啦，我太勁囉，嘻！你平時好鐘意打波架？”

“都算係嘅，唔打機咪打波囉。”

“乜你打機架？”

“男人中學唔打機敢重叫讀過中學嘅？”





“敢又係嘅……打波同打機……敢……田徑呢？”她用晶瑩的雙眼看着我，

“我完全冇將田徑放喺眼內……”我不能控制自己並望向則面的窗口，不知道為何此刻我不能直視她，

“點解吖……”她帶點失望地說，雖然我不能看見她的臉，但我仍能感受到她的殺氣，

“田徑唔好挽…好悶” 我看着放在地上的籃球

“唔係架，田徑好好挽架！嗱跳高又正，100米又正，跳……”

“得喇夠喇，我真係唔鐘意吖嗎”我打斷她道，我‪一時‬語氣重了，只見樂心偏了偏嘴，

“敢算囉……問下姐……”她咬下最後一口漢堡道，

“我唔係有心敢語氣架，對唔住吖……樂心”我道





她抬起頭看着我問“而家邊個比你叫我樂心吖下?重要鬧我！”

“對唔住吖…敢真係冇心家嗎，敢叫翻妳Charlotte囉…”

“點解你會知我英文名架下？”她再問，

我立刻解釋“唔係吖！唔係吖！嗰日我睇點名薄見倒架炸…”

“哼!好啦算你啦!本王子就批准你叫我樂心啦!”她裝作未消怒氣，

我問“係嘅!多謝王……王子？”

她道“係吖!叫我靚仔都得!”





我心中帶出疑惑“點解吖？王子?靚仔？”

她說“係吖!”她喝了一口可樂再道“唔好問點解總之係啦!”

“係嘅……王子……”我不知怎去回應她，可能她有自己的原因吧，who knows

之後我和她大約談了兩個鐘，她分享了自己一此日常、朋友甚至學校喜歡不喜那個老師等的事情，我亦隨口分享了，

“喂!都7點幾喇，妳屋企人等妳開飯吖。” 我看看電話上的時間

“係喎!好啦走啦一齊!”她說完就背起書包與我肩並肩的走到地鐵站

“我行呢邊吖byebye!”樂心走向寶琳方向的地鐵

我揮手道“好啦!聽日見…”只見她揮手遠去，我拿出耳機放進耳中，手機播起方力申和鄧麗欣的＜好好戀愛＞，





突然我發覺自己好像還未知樂心的電話，好在我已經有她的ig，我打開了ig，找到了樂心，問題來了，應該怎開口呢？問她吃飯了麽？還是問她在幹什麼？

哈，作為一個有紳士風度的男生，當然先問問她回家沒有吧，我打開鍵盤道“點吖？翻咗屋企未吖？”並發送，當我正看着地鐵旁的風景高速移動的時候，突然褲袋中一震，

“邊有禁快吖，就黎翻到喇”

“妳寶琳好快姐，我太古吖……”

“嘩乜你住禁遠嘅？我住新都城囉”

“翻到屋企講聲啦”

“好嘅”





這個開頭不錯,
唉，不要只顧找女生，當然不可忘記一班兄弟吧！

“喂，今晚打唔打？”我打開一個叫「春帝與龍太爺」的群組問

當然肥豪用秒速第一個答吧
“緊係打，今晚9點啦”他加上了幾個表情符號道

“其他打嘅就上線啦吓”我發送後便下車急步回家，

吃過晚餐後，我打開電腦，和他們玩了一兩場便太累睡覺了，差點忘記和樂心說晚安，

“早抖喇” 我發送過後便睡着了。

~~~~~~~~~~~~~~~~~~~~~~~~~~~~~~~~~~~~~~~~~~~~~~