【愛情甜故】我同條女敦倫的日子: 心中一團火

出到出面，街上十分大雨，人流十分稀少，唯獨得我一個係街上狂奔，人地見到一定以為我on9，

我恨，我恨我自己講過嘅野永遠做唔到! 明明以前心魔用我身體害左咁多人，依家我竟然都會唔記得，仲俾佢傷害左茹姐，又係我心愛嘅人!

我以為伯母死左心魔都會跟住消失，但我錯啦，睇黎係要我親自消滅佢先得，佢呢一個月黎一定潛伏左係我內心一段日子，

以前就係因為你阿欣先會俾你害得咁慘，依家仲要已經唔係度，如果唔係你我同阿欣會過得好幸福，

既然你又再出黎控制我搞我身邊嘅人，我就同你玩大佢，我唔會俾你得呈唔會俾你咁做，我要你完全滅絕!



係街上奔跑期間，雨越落越大，明明依家只係3月但就落起咁大雨，一定係連個天都睇我唔順眼，想藉呢個機會淋醒我，

大大滴雨點好快就將我淋濕晒，受住陣陣寒風吹過，身體不自覺地打起冷震，但我就係要呢種寒冷我先可以擊退心魔，

我無懼呢種寒冷繼續係街上不斷奔跑，我唔可以連累到任何人，我唔可再俾我嘅錯再次出現，我要做返一個真正嘅自己!

我跑下跑下突然成個人失去平衡冼低左落地下，身體向前仆低左，手同腳都傳來一陣疼痛，然後淚水又不自覺地從眼框中流出，

每一滴淚水都衝斥住我對阿欣同茹姐嘅悔疚，以前就打阿欣依家就連茹姐都打，究竟係咪每一個同我一齊嘅女仔都冇好結果?



點解我咁冇用要俾心魔生存左落黎?點解我要咁輕易同茹姐扑野?就係呢種種嘅輕舉妄動又再令我hurt到心愛嘅人。

「啪!」

我摑左自己一巴。

「我正一仆街。」

「啪!」



「我犯賤。」

「啪!」

「係我放過心魔。」

我連摑左自己三巴，臉孔感到一陣劇痛。

「我發誓如果我唔消滅左隻心魔，我就唔性唐!呢三巴掌就當係記住今日所發過嘅誓!」

睇黎呢一次心魔切底激嬲左我，呢一刻嘅心魔就好似同我有不共戴天之仇。
.
.
.
直至夜晚，我返到屋企，面容毫無表情。



「阿...阿豪，係你?你返黎啦?」

茹姐見到我後即刻驚到退後左幾步。

「死仔，你做乜今日冇啦啦打芷茹?究竟你依家係邊個?」

「對唔住阿茹，我今日係無心，係我控制唔到自己。」

我講野時亦顯得面無表情。

「今日係咪...心魔控制左你?」

「係。」



「都係我錯，我唔記得你仲有心魔嘅存在，我唔應該引你...」

「你話你引佢?即係你地今日...咁唔怪得心魔會控制到佢啦，原來咁耐時間佢隻心魔仲未死。」

老母睇黎即刻知道咩料，真係幾醒。

「算啦。」

「阿豪，點解你會成個人濕晒塊面又瘀晒嘅?仲有你隻腳同隻手都傷左。」

茹姐開始留意到我啲傷勢。

「我冇事，只係仆親下同埋打左自己三巴。」

「你傷成咁不如我幫你搽啲藥油啦。」



茹姐好關心咁走過黎諗住幫我處理傷口。

「唔好行過黎!唔洗處理。」

然後正想行過黎嘅茹姐俾我叫停左。

「屋企仲有冇冰?我要冰。」

「有啊，你要冰做乜?唔通你想...」

「係啊，我要再軟禁自己係間房，個半月，呢個半月阿茹你去媽子度瞓住先。」

「你要軟禁自己?即係你又要對抗心魔?」



我之前講就講得口爽，但今次將會係茹姐第一次見證住我對抗心魔。

「俾我講中左你真係想咁做，點解永遠受苦嘅都係你。」

老母沉低聲調黎講，好似好同情我嘅苦處。

「我需要拎一個冰筒裝晒啲冰入去拎入房，同埋你好似以前咁隔一日先放我出黎食飯沖涼，每次沖涼我都會照沖凍水，我相信心魔得一次嘅扑野實力係唔會勁得去邊。」

「睇落你今次嘅情況比上次嚴重。」

「唔嚴重，只係我想佢快啲死!!」

「媽子你記得未夠兩日唔好放我出黎，就算"我"幾想出都唔好俾"我"出。」

「知啦，你估我唔知心魔會扮你想出黎咩。」

估計老母有左上次經驗都唔會咁易信我。

「阿茹你都係，絕對唔好相信嗰個假嘅唐富豪，唔好放我出黎。」

「嗯明白，你係入面一定要小心!」

「媽子，同埋我仲需要拎你幾個衣夾，夾力越強越好。」

「你拎衣夾黎做咩?」

「我要用黎夾十指。」