【愛情甜故】我同條女敦倫的日子: 追逐戰

「Pang Lun!」

突然某一條走廊嘅盡頭傳出類似煎pan跌落地下嘅聲音，呢股聲音正好吸引左伯母，

伯母第一反應就即刻向後望然後沿聲音傳出嘅地方走去走廊嘅盡頭，

當伯母轉彎走向另一邊走廊時，我先鬆一口氣，

然後我再望一望四周確定安全後我就帶領佢地慢慢走出大櫃，



「襯伯母走左，我地快啲出去先。」

「嗯。」

我倆扶住阿欣出大櫃後，我再帶佢地打開防火門走返入樓梯，

入去後，我輕聲閂翻埋防火門，以防引起伯母注意，然後我再望多次出面確定伯母冇行緊過黎我先覺得安全返啲。

「阿豪，伯母唔係知道阿欣嘅位置嫁咩?點解仲會俾其他聲引走左?」



茹姐突然問我。

「可能佢就好似一個gps，正常gps都會有10幾米誤差，所以阿欣嘅位置唔會完全精準，多得呢10幾米誤差先救左我地。」

「原來係咁。」

呢個時候我再細心望住茹姐先發覺佢塊面腫晒，先記起茹姐嘅傷勢都唔好得去邊。

「茹姐你塊面腫晒，係咪好痛?」



「我唔...唔痛，我捱得住嫁。」

望住佢面色的確比頭先好左啲，但點知佢係咪死撐，然後我再望一望佢隻手。

「仲話唔痛，你隻手流晒血，我幫你清洗一下傷口先。」

望住茹姐隻手佢隻手已經有一條乾左嘅血痕，不過佢個傷口仲好鮮紅。

「唔...唔洗啦，時間緊迫我地依家最緊要係帶阿欣出去先，佢頂唔到幾耐。」

「唔得!你地兩個對我黎講都好重要，你同阿欣都唔可以有事，俾水我。」

「阿豪...咁好啦。」

然後茹姐眼睛就開始溢出淚水，繼而就從背囊裡掏出支水俾我，



「你忍住痛。」

我擰開蓋張水慢慢倒落佢鮮紅嘅傷口，茹姐立即表現出一個痛苦嘅表情，但佢冇叫出黎。

「茹姐，你好堅強。」

直到洗完傷口後我先讚一讚佢。

「唔該晒阿豪，你真係好好...」

「唔講住我地要快啲行落樓梯。」

因為時間緊迫，所以茹姐未講完我就打斷左佢。



「嗯。」

然後我倆再次扶住阿欣慢慢步落樓梯，

因為我知道等lift要等好耐，等得黎伯母都追上左，所以我決定全程行樓梯落去。
.
.
.
落樓梯嘅路途上十分漫長，樓梯間好寧靜，每一個走動樓梯間都會傳出回音，好讓人有一種壓迫感，

真係唔知伯母幾時會出現，好驚佢會由某個梯間嘅防火門突然衝入黎，又或者係由上面衝落黎，所以落樓梯都係步步驚心。

然而我地都好順利，行左唔知幾耐，本身14樓慢慢我地已經行到5樓，暫時未聽到上面有腳步聲，

不過反觀阿欣嘅情況就開始惡劣，佢面青口唇白不突止仲開始想瞓覺。



「阿欣，你唔可以瞓!你要頂住，我地好快出到去...」

「你班仆街，原來你地係下面。」

突然上面傳來伯母嘅撕裂聲。

唔知係咪回音關係而伯母又咁啱係樓梯，佢竟然聽到我講野，今次真係仆街。

「你地走啦...唔洗理我...我只係賤命一條。」

呢個時候阿欣竟然講出一啲悔氣說話。

「阿欣你講乜野，要走一齊走我唔會掉低你。」



講完我立即抬頭係樓梯中間個位望上去，我見到伯母係好高嘅位望落黎，佢應該仲係13或14樓。

「你班仆街走唔甩嫁啦，啱先嗰條鐵我荼左毒，死妹釘已經中毒已深，我一定要屠左你地!」

我都估到嗰條鐵係有毒，唔係阿欣點會咁虛弱，屌佢老味，

然後我地扶住阿欣加快落樓梯嘅腳步，而上面腳步聲亦有顯著加速跡象。
.
.
.
直至落到3樓，上面嘅腳步聲越黎越近，我倒後落樓梯望左望上面想睇下伯母去到邊層，

但就因為倒後落樓梯關係，落到最尾嗰級我竟然向後kick左一kick，隻手不自覺地抓住阿欣兩個跌左落地下，

我首先著地，而阿欣就咁啱跌落黎壓係我上面，仲咁啱嘴對嘴嘴埋落我度，

我雙眼撐大，但性慾又再不知不覺地增強......