【愛情甜故】我同條女敦倫的日子: 危險人物重現

我見到呢個情境諗都唔諗就上前制止佢。

「仆街!你做乜野。」

上前抓住佢之後我迎面迅速打左佢一鎚，因為太黑關係我並望唔清佢個樣認唔出佢，只知道佢係披頭散髮，燈光照到佢手嗰陣我見到都幾皺皮，

個老女人俾我打左一鎚之後隨即向一邊趴低左，我見有機會即刻拖住佢地兩個逃離呢度，

直到我地衝左出街都有好一段距離，我後向望一望，個老女人冇追黎，所以我就算同街邊啲人講都冇人信。



「阿豪，點解你會係度?」

當我地停低腳步後，茹姐就質問我。

「呢樣野真係要問你，究竟你今日去左邊?我搵得你好辛苦，好彩你有snapchat我先搵到你係呢度。」

「對唔住阿豪，其實我今日係同阿欣行街，因為我唔想你又憶起你同佢嘅往事影響心情，所以我選擇左隱瞞唔同你講，然後就決定全日唔上線wts。」

「你為左唔想我憶起阿欣，你竟然全日唔上wts?你知唔知我好擔心你，擔心你出左事啊!」



我聽完之後都估唔到呢個就係真相。

「你...你擔心我?」

「係啊!既然你只係唔上wts，咁點解我打俾你唔聽我電話?」

「可能我教左靜音聽唔到，同埋我唔想呃你，我知你打黎一定會問我做緊乜係邊。」

茹姐竟然會咁顧及我感受?真係第一次見。



「係囉阿豪，阿茹佢好女仔黎嫁，你識到佢係緣份，你要好好保護佢啊唔好離開佢。」

我都未黎得切講野阿欣就插把嘴入黎，不過佢唔講野我都唔為意佢係度。

「頂你張倩欣咪亂講野啦。」

茹姐聽到啲敏感嘅說話後即刻話一話阿欣，睇黎茹姐已經將我同佢呢排啲事講晒俾阿欣聽。

「其...其實我同茹姐朋友黎嫁咋。」

話就話我要放低阿欣，但依家俾我見返佢點都會有些少牽掛。

「係囉...朋友黎嫁咋。」

茹姐俾阿欣講一講紅都面晒。



「朋咩友，阿豪你要快啲忘記我，唔好為左我唔去識其他女仔，你嘅命運應該由你控制而唔係我，而我依家只係做俾祝福俾你地兩個嘅外人。」

「阿欣唔好誤會，我地真係只係朋友黎嫁咋，不過講真其實我真係仲掛住你。」

「其實你同阿茹都幾夾啊，我聽佢講同你一齊好開心，乜都玩一餐。」

「我先唔會鐘意佢，平時佢傻下傻下又成個男人婆咁我都唔會同佢一齊啦。」

「頂你又話我男人婆!」

我串完佢之後又打左我一下，不過呢一下我十分回味，搵返佢我真係好開心。

「哈哈...」



我同阿欣都笑左出黎。

「張倩欣!我要殺死你。」

突然老女人再次拎住把豬肉刀出現係我地面前，距離我地50米左右，發出嘶裂嘅聲音。

「走!我地快啲走!」

然後我再次拖住阿欣同茹姐掉頭急急腳走，我今日去練跑依家終於大派用場，究竟佢邊個黎?

「阿欣，佢邊個黎?邊個同你咁大仇口?」

我邊跑邊問佢野，腦海裡充滿了疑問。

「其實...其實佢係我阿媽。」



原來佢就係伯母!?我聽到後雙眼立即撐大，自伯母由青山逃走左出黎之後一直都冇再聽到佢嘅消息，如今竟然係呢度出現!?

「佢今次黎就係想要殺死我報仇，頭先如果唔係你及時出現救左我地，或者你依家已經聽到我嘅死訊。」

「點解會咁?點解佢要出返黎報仇?」

「可能係因為之前阿偉去救走我家姐嗰陣我冇出黎幫手累佢俾人抓左入青山，所以依家懷恨在心。」

「自己個女都殺佢仲有冇人性。」

「佢有精神病嫁，發起作上黎就會連最親嘅人都唔認得。」

「咁你地點解會係後巷?」



「今日同阿茹行完街後佢想送埋我返屋企，因為呢條後巷可以快啲返到屋企所以我地貪快就行左入呢條後巷，而就係咁俾阿媽發現左我。」

佢地竟然為貪快行入後巷，我也是無奈了。

「後巷特別危險，下次你地唔好再貪快行入後巷。」

「知啦，試過一次仲唔知驚咩。」

「知就好，唔講咁多住，呢度最近你屋企，我地上你屋企暫避一下先。」

由於呢度係阿欣地頭，所以我迫於無奈都要再上去佢屋企多一次，又係重遊舊地。

「嗯。」
.
.
.
好快我地跑到阿欣屋企樓下大堂，而平時會坐係大堂門口側邊嘅看更依家竟然唔係度，可能佢走開左，

我望一望門口出面，唔見伯母嘅身影，終於都鬆一口氣，但仍然唔可以鬆懈，我總覺得今晚會有唔好嘅事發生，但又唔知仲會有咩事，總之就係不祥預感，

唔理咁多我地即刻搭lift上去，lift門關上後，升降機緩緩上升，我地屏息以待，而佢地個樣亦都表現得異常擔憂。

直至我地到達阿欣嗰層之後迅速部出架lift前往佢個單位，阿欣俾條鎖鑰我開門，

鐵閘咔啦咔啦地打開，打開鐵閘後我再推開大門入去，

當我入到去後，我頭部突然受到一支木棒重重地敲擊左一下，然後我眼前一黑成個人馬上瞓左係地下，

「阿豪...!」

「你做乜野，唔好啊...救命...」

最後我只聽到幾句喊叫聲後就失去了意識......