【愛情甜故】我同條女敦倫的日子: 孤單

「點解你會變成咁?我想你變返以前咁。」

我見到阿欣對住我講野，我生處於一個一片空白嘅空間。

「我好攰，我根本改變唔到你，我地分手啦。」

然後佢行走左。

「唔好走，我有乜野改變唔到?」



正當我追上去質問，我又再聽到一把聲由隔離傳黎。

「豪哥!枉我當你兄弟，你竟然一次又一次咁非禮阿彤，仲話想做襟兄弟，我真係不能原諒你變到咁，你以後唔再係我兄弟。」

原來係何紹偉。

「我都唔想，不過我真係控制唔到。」

之後後方再傳黎一把聲。



「豪仔，阿欣對你咁好點解你要咁差對佢，佢乜野都同我講晒，我真係估唔到你份人依家變到咁衰，我一早就應該反對你地係埋一齊，以前好有義氣嘅你去左邊度?」

然後阿彤都行走埋，彷似所有人都對我絕望似的。

「好啊，你地通通同我走晒仲好，我一個人過得更好，既然你地全部人都掉低我......」

講下講下聲線變得低沉，眼淚慢慢地流下，心口好似俾條刺吉住咁，點解我會想喊。

朋友、愛人都離我而去，呢種感覺係孤單.....



最後我從沙發彈起身，原來係一場夢。

陽光很光猛地照射入黎，原來依家已經正午，我環顧周圍，空無一人，只有一張披幫我鋪住。

「張倩欣!」

我大叫，但並冇人回應。

「屌，條撚樣又去左邊。」



我刷過牙、洗過臉打陣機hea下，就再約阿強出去蒲，

正當我打開衣櫃換衫，我發現阿欣啲衫竟然唔見晒。



「條仆街連啲衫都拎走晒係咪唔想翻黎，一定去左搵仔順便過埋夜。」

「我琴晚唔應該同條女劈酒劈到咁醉，否則佢就唔會乘機襯我未起身就出左去。」

我冇理咁多，然後我換好晒衫就出左門。


「豪哥，你今日好似唔係好開心喎。」

「屌，屋企條八婆襯我未起身，執晒啲衫走路，明顯係去左搵仔順便過埋夜。」

「佢一定係唔抵得我咁暴力對佢，所以佢依家就諗住報復俾頂綠帽我戴。」

我將我嘅情況講晒俾阿強聽。



「唔會掛，女人嬲最多都係去朋友屋企靜幾日嫁姐，以佢嘅性格應該唔會出去搵仔嘅，放心啦靜幾日佢就返嫁啦。」

「佢公廁黎嫁咋，隻臭雞乜都做得出，有乜野做唔出，佢出得去咁free會唔去搵仔?搵鬼信。」

「算啦，唔好理咁多，今晚食翻條女乜都開心晒，笑下啦。」
.
.
.

好快地，10日過去，我晚晚都一直地同阿強出去蒲，晚出晚歸，

而阿欣亦都冇再返過黎，好似人間蒸發左咁，我有試過打俾佢，但每次唔係打唔通佢就即刻cut我線。

生活上，久而久之我開始覺得有種缺失，冇人再關心我，冇人再服侍我，每晚就只可以同陌生人見面、接觸。



而早前個夢境每晚都在出現，生處係夢境嘅我每晚都係度喊，孤獨嘅感覺越黎越強烈。

但奇怪嘅係，由佢離開呢10日以黎，我嘅j痕好似有減緩跡象，性慾亦比以前略低。



「啊!」

呢日我又再次由夢境醒來彈左起身。

「阿欣，你究竟去左邊?我掛住你。」

同以往一樣，我環顧周圍，並沒有人。



我望住棟係台上面嘅合照，當時佢兩手由我背後橋住我頸，作出一個孭住嘅姿勢，我倆表情什感愉快，而我就拎住手機自拍。

我記得，呢幅係我地去坐摩天輪嗰日影。

又再有一幅，我對住阿欣影左幅食緊麵嘅相，我仲記得我影完之後即刻笑佢食野個樣好搞笑，相處樂也融融。

冇錯，呢幅係我同佢去食車仔麵嗰次。

我拎起相框會心地苦笑了一下，我真係變左咁多?

然後我再拉開阿欣平時擺野個櫃桶，呢個櫃桶我住左咁耐都未曾拉開過黎睇。

拉開後，我發現裡面放着一本淺藍色日記。