【愛情甜故】我同條女敦倫的日子: 相識

畢業之後我又再渾渾噩噩咁過左兩個月，

我冇再繼續升學，亦未諗到未來出路，只好同fd出去hea住先，及時行樂。

而阿偉就繼續升學，佢成績突然咁好皆因都係有個補習老師係佢身邊，這些機會不是屬於我。

佢又要陪女又要繼續升學，因為咁忙我地已經少左好多見面嘅機會。

你估仲係中學時期咩，仲可以日日見面，依家嘅我地已經分開左各有各嘅生活。



不過呢生我地係兄弟呢世我地都會係兄弟，友誼長存。

然而我唔想再自己同自己打丁，我好想有條女服侍我幫我打丁，

但女朋友可以點搵，阿偉講就講得簡單。



呢日阿強叫我同佢出去唱k，我見冇野做就應承左佢。



出到黎，阿強叫左一班fd出黎，當中有男有女，

其中有一條女特別吸引、有少少mk feel，佢上身著住黑白間條T-shirt，染啡髮、下身配一條白色扣鈕牛仔短裙，蓄長髮，而身高應該都有165，佢啲皮膚好白滑同好索好撚正，

就係咁我俾佢嘅身影吸引住左，好似鐘意左佢，呢啲叫唔叫一見鐘情。

「阿強，今日咁有閒置出黎唱k嘅？」

我用門面說話咁問左佢一句。



「冇呀！次次約你去叫雞唔係咁好，今次咪做翻啲正常嘅活動，今日熱熱鬧鬧盡情玩喎。」



直至去到k房前，我都好緊張亦冇同佢講野，而佢有時就同佢啲fd傾下計。

到左k房嗰陣，佢點左首《勾手指尾》係合唱歌，有機會同佢一齊唱。

「咦，乜...乜你都鐘意呢首歌咩？我又係喎。」

我嘗試開始同佢打開話題。

「咁岩嘅，咁我地一齊合唱好唔好？」

「好啊！」



呢舖真係開心都黎唔切，佢竟然一口答應左我，我有機會同佢接觸。

好快就開始播歌......

「那天我共你勾手指尾，答應過會更愛你......」

我地都唱得好合襯，好快我地就唱完。

「你唱得幾好聽喎。」

第一次俾女神讚我，心跳更急速。

「邊度係，我隨便唱一唱姐haha。」



唔知幾時開始，我見到佢竟然會變得禮貌左。

「係呢，請問可以點叫你？」

我緊張到紅都面晒垂低頭咁問佢，人生中第一次咁緊張。

「我叫阿欣，你呢？」

原來佢叫阿欣，個名幾好聽。

「你叫我阿豪就得。」

「阿豪阿豪，如果叫你豪哥幾霸氣喎。」

「係呢，可能我地有好多事都有共同嘅地方，我地可唔可以交換電話？我地可以一齊探討下。」



打蛇隨棍上抄埋佢牌，真係超緊張，我覺得佢實知我咩料，明抄佢牌佢實唔會俾。

「好啊！我地值得認識一下。」

我竟然一問就得？真係難以置信。

然後我遞左部手機會佢set名，抄牌成功。

「嗱，set左。」

「屌，阿豪抄晒牌咁擺明想溝你，你就受左佢啦，你唔係一直都想搵個好嘅男仔照顧你咩，阿豪就係一個好例子。」

阿強當場篤爆左我，搞到我極為尷尬。



「屌你個阿強收皮啦，冇...冇啲咁嘅事。」

雖然佢篤爆左我，但佢又形容得我幾好。

「係囉你個傻強冇啦啦搭巴嘴出黎做咩？本來氣氛營造得咁好。」

阿欣竟然都會駁返阿強，照咁講即係阿欣係單身。

「okok我唔阻住你地，但阿豪你要把握機會。」

「係呢，咁你係咪都單身？」

阿欣以矮我少少嘅高度望住我，右手握住我隻左手。

「係...係呀！」

我同佢眼對眼互望放電，佢對眼好大，十足十av情節，我個心跳埋出黎咁濟。

「咁我地日後可以約出黎玩，可以慢慢去了解大家。」

睇黎阿欣聽完阿強咁講之後都進取左好多，輪到阿欣撩我呢個陌生人轉頭，我係咪應該要多謝阿強。

「好啊，只要你約我我一定出。」

正當我講完後我覺得好大機會成功之時，佢突然個頭伸前錫左落我塊面度。

我雙眼撐大、滿面通紅，驚訝嘅樣盡現，第一次俾女仔錫。

「嗱，你講嫁，到時唔好反口。」

就係咁，透過呢次唱k我成功邂逅阿欣，而我亦好似不自覺地深深咁鐘意左佢，

原來我都有鐘意人嘅時候。