屍海、安息之風: <六>千鈞一髮

『好喇，唔好喊喇。』衝動過後我開始尷尬。 

『嗯。』她也自覺失儀，慢慢強忍淚水後退。 

『妳快啲上去啦，我仲有功夫要做，唔係既話大家都會好危險！』 

這座樓宇只有一條常用樓梯，而另一條樓梯則由重厚鐵閘給每層鎖起，出口在大堂外，只有在內部推開關才會打開。 

換句話說，只要將通人的樓梯由地下往一樓的部份像大堂一樣封鎖堵塞就可以了。 





『妳自已小心啦！』話畢，我們便分道揚鑣。 

她往的是安樂窩，但我正要闖的是地獄門，我才沒這般偉大『我不入地獄 、誰入』，只是非得這樣做不可、不然大家等著『一鍋熟』。

話雖如此，以我一人之力並不足夠？唯有找上住一樓的鄰居求助。 

『叮、噹～』按門沒人理會，再找下一家，又是一樣…… 

大概是本來早已有數戶人逃離了，剩下的都躲起上來，不敢開門， 的確、誰知道等門的是不是一堆喪屍呢？





幸好我在一層就認識阿朗，阿朗是我多年的同班同學加上同樣多年的電玩交情，算是樓內的深交。 

『阿朗！係我阿，紫輝！』我邊拍門邊喊道。 

一個頗為白晢的四眼男孩出來應門，劈頭便說：『你黎做乜鬼！返上去啦！下面好多喪屍呀！』 
他聲線略略抖顫。 

『我需要你幫手……』我簡單的說明利害關係，大家不合作就大家一起等著喪屍拍門，最後阿朗終於勉強答應…… 

『我想帶個十字架先……我有兩個、一舊水賣個比你？』他托一托眼鏡、有點畏縮的往門外左右張望說。 





『屌！一，佢地係喪屍唔係西方僵屍、唔驚蒜頭、十字架；二、拜託你唔好咁市繪得唔得，命都無要錢黎托咩？』 
我拍了他胸口一記、他竟然像個女生一樣扭擰起來…… 

『三、求你唔好咁毑阿大佬！你噁心程度就黎超過喪屍喇。』我說完便走進他家，發現除了他屋內已空無一人。 

『你屋企人呢？』 
『上哂碧桂園渡假了，係我地啲末袋會考生先身不由已，平時又唔係成績好、點會有我份丫。』他作狀拭淚。 

『妖！停呀。』死人娘娘腔！ 

『搬你個衣櫃出黎，用黎塞住條樓梯阿！』我指著他的大實木衣櫃說。 

其實這樓梯有點窄，闊度只能同時容納二人而且還是擠著牆，所以說這一個衣櫃就能把樓梯卡得穩妥。 





『個衣櫃我阿媽好中意架！』他明顯不願意。 

『喪屍黎喇、仲你娘親，係咪想比佢地咬啊？』結果他又乖乖動工了，雖然嘴裡仍是嘀咕著的。 

幾經辛苦，我們合力將衣櫃抬出梯間，正想推下的時候間隙裡鑽出一頭只得邊身的喪屍！

『媽咪呀！』阿朗一時被嚇到大叫，連帶嚇得他放下手上的衣櫃，櫃頭掉落地上厚重的實心木完全壓著他的腳腕！ 

『哇屌！』他痛苦大叫。 

『大劑！阿朗抬起個衣櫃呀！』來不及了，我還未說完時，那喪屍已被阿朗的大叫刺激，撲了過去！ 

阿朗被壓在地上，那喪屍單手撐著朗的頭部，擠出頸部動脈位置，俯頭用力一咬！ 

血花四濺、同時血如湧泉，阿朗當場斃命，連抵抗的機會都沒有！ 





我放下衣櫃，心裡但求不要刺激到那喪屍，再往上層逃命，豈知那喪屍好似對死物沒有興趣， 
馬上轉向望著我！ 

我心知不妙，馬上後退幾步，但就被梯級拌到，坐在樓梯上，那喪屍就像剛才一樣的動作、撲向我處！ 

完了完了完完了！身上手無吋鐵，手上放厚木的底牌早在剛救出符吻雪時已翻了出來，躲不過了！ 

難道我就這麼快追隨阿朗的腳步去陪他？ 

快到了，快咬到了！