愛是恆久忍耐: 第五十八章

第五十八章

拎起手提電話，睇到嘅喺阿康send過嚟嘅新年祝福訊息，我簡單回覆了一句祝福語句之後，陸續收到其他人俾我的訊息。

Adhley都係其中一個send短訊俾我嘅人。

「新年快樂，祝新一年身體健康，身體快點康復。」

「新年快樂，祝你學業進步，會考科科有A。」當我收到佢訊息之後，我突然想同佢傾偈，所以忍唔住打返電話俾佢。





「成你貴言，我啱啱同屋企人去咗維園行花市，你個邊環境咁安靜，睇你應該冇出去慶祝，做緊咩呀！」我諗就算佢唔聽我背景聲音，都應該估到我宜家如非必要下，都唔會想出街同人迫。

「你估中咗，我真係冇出到街，屋企兩老同你一樣出去行花市，得返我一個人獨留家中。我無聊之下都係睇下電視，冇咩嘢好做。見到你send訊息俾我咪諗住搵你傾下偈囉。」送頸巾俾佢係祕密進行嘅事，我當然冇可能呢一刻同佢講，我一直好努力織緊條頸巾諗住送俾佢。

「其實本身我都冇諗住出去同人迫，但屋企人話想感受一下新年氣氛，所以我先陪佢出去倒數兼行花市。」

「不過點都估唔到咁快就一年了，感覺好似時間眨下眼就過咗去。」諗返起十月重新遇返佢，雖然只有短短半年時間，但我好似經歷咗唔少嘢。

「可能上一年太多事情發生咗，先會令你覺得時間過得太快，不過你當新一年新開始，唔好嘅嘢留返喺上一年，今年一定會有好多好事發生的。呢度有少少迫，我明天與你再聯絡吧！」





「咁好啦！明天再同你傾過。」講完之後，佢就收左我線。

其實如果我冇發生意外，我都想同往年一樣，約朋友去行下花市，一大班朋友圍埋一齊新年倒數。而一理朋友當中有冇Ashley陪，呢一個就係個未知之數。

不過沒有意外的話，我諗在新年的時候，我未必可以同Ashley傾到呢一次電話。

我同佢嘅距離因為意外而拉近咗，我唔知呢啲算唔算因禍得福。

同Ashley傾完電話之後，又係時候開工繼續織條頸巾，今日情人節正日，約唔約佢呢個問題，都係留返織好條頸巾先再慢慢諗。





到最後，屋企兩老行完花市返到屋企都差唔多2：00鐘，而我都都啱啱去到收針的階段。而我有少少唔明個步驟，所以就請教我老媽子。

佢大概講解同指示我收針的步驟之後，我織嘅呢一條頸巾終於到大功告成。