愛是恆久忍耐: 第四十章

第四十章

「新年快樂,身體健康,最重要儘快康復。」手機傳來的訊息,感覺不似平時的她,感覺好似多左一份疏離感。

「嗯,不用擔心,我會好好做復康訓練。」

其實我本來想同佢講對唔住,同埋想問佢啱啱探病我係唔係講錯左咩野,令到佢唔開心。但諗深一層,問左又有咩意思,到時佢答我冇事呢個係我錯覺,我最後都係唔知咩嘢令佢唔開心。一諗到呢度我就灰左,所以我再一次將打好既訊息刪除,然後順應她的訊息回覆。

「時間不早,你早點休息吧！我都係時候訓啦！早抖。」





「早抖。」將訊息發出後,我將手提電話關掉。

除了Ashley,阿康重有其他同學與朋友都有向我發訊息慶祝新一年的來臨,但現在我完全沒有心情去查看或者回覆他們的訊息。

我再次重新回想起和Ashley較早時間的對話,還是未能夠想出咩事令到佢喊既原因。

是因為我指出她不需要自責嗎?但這是我自己疏忽做成的意外,沒有理由要她承受壓力。

而按照觀察所得,我的家人應該都沒有向她抱怨,需要她負上任何責任。(如老媽子真的有任何埋怨,她應該不會讓Ashley探病,而且在她口中她對於Ashley差不多每天探病是讚不絕口。)





到最後我完全得唔到任何結論。而我覺得可以解答我問題,又比較了解女生的人,只有阿康可以幫我。

我本來想立即whatapp俾阿康,但佢探我個時話有節目,呢個時間應該攬緊女,就算問佢都未必會回覆到我,咁唯有明天再問佢意見。