愛是恆久忍耐: 第二十五章

第二十五章
放咗學之後,我冇等埋Ashley,自己一個人走去左圖書館。

你可能覺得,既然佢都已經邀請左我去同佢一齊走,做咩仲要分開去圖書館。

我答你唔到點解要咁樣做,但係我唔想佢同我一齊去圖書館既時候,俾其他同學見到。

當我書準備要去借書嘅時候,電話震左一下。係Ashley send message畀我。

「我已經還左圖書啦,喺邊度等？」





「喺樓下lift口等, 我要借書麻煩你等我一陣。」

「 唔好麻煩啦,我過嚟搵你啦。」

隔咗一陣佢就過咗嚟等我,跟住我哋就準備搭巴士返去我屋企。

正常放學既時間,我呢一間巴士上面,都只會淨係得番啲企位畀你。

但今日有兩班車同時到站,其中一架係吉車,我哋理所當然上去呢一班有位坐嘅巴士上面。





我哋兩個人坐咗喺雙人座位上,我諗依家係我第一次同佢有咁近嘅身體接觸。

因為我同佢兩個人坐得好近嘅關係,我又聞到佢身上邊傳嚟嘅清淡類似棉花糖輕飄飄柔軟既香味。(你可能會話棉花糖柔軟唔係應該算觸感,又點會算係香氣。但係我話你聽,嗰一刻我真係聞完之後覺得,有一種軟綿綿同輕飄飄嘅感覺。)

正當我沉醉喺呢一個嗅覺嘅享受其間,佢突然間開口問左我一個問題。