愛是恆久忍耐: 第八章

第八章
 
時間慢慢咁過,其他既同學陸陸續續返到班房,第三個返到班房既同學,都好驚訝除左我返到課室之外,Ashley都已經回來。不過驚訝還驚訝,但見到她專心睇書,並沒有去騷擾她。
 
再過左一陣,我終於等到提供功課抄考既Jim同學仔返來。
 
「Jim哥可唔可以借功課俾我抄下。」
 
「拎去,唔好抄到十足十呀!重有月底記得欠我餐飯要找呀!」
 




「得啦!又唔係第一次,洗唔洗每一次都提醒我呀!同埋我幾時有走過你大哥數先。」
 
「因為我覺得你會照抄。所以我特別提醒你。」
 
「抄左成個學期都冇事啦!好心你就唔好咁婆媽得唔得。」
 
距離交功課既早會時間重有不足十分鐘,又係時候施展我既狂草Copy大法。
 
「乜你d字咁肉酸既。」當我抄功課既時候,Ashley放低左手上本書,望住我份功課。
 




「呢d叫做狂草,你唔識中文書法我唔會怪你。」我回覆既同時間,手並沒有停慢落來,經過長時間既訓練,我早就練成左一心二用。下一個階段我想做到左右手同時抄兩份唔同既功課。
 
「咩野年代呀宜家,書法一早就淘汰好耐啦。」
 
「淘唔淘汰冇咩所謂,最重要係快。」今日進度唔錯,我在上堂既鐘聲響起之前成功完成所有既功課。
 
「你地兩個之前就已經認識嗎?」阿Jim見到我地鬥咀既情況,所以忍唔住問。
 
「我只係搭訕,大家前後座位傾傾下就認識啦!我都同你有傾啦,唔通我之前又認識你咩?」Ashley搶先一步答左呢個問題。
 




「難得見到阿Full會同女仔講野,我還以為你們兩個一早認識。」
 
「多事啦你個口水佬。再講信唔信我撕爛你份功課。」我作狀撕開Jim的功課。
 
「唔好撕爛呀!我係全班從來未欠過功課既唯一一人,我唔想呢個記綠終結呀。」
 
「我攪掂左份功課,我先唔會真係撕爛佢。」
 
在班主住上早會堂前一刻我成功完成所有功課。