我比一個籃球追殺: 後來的我們(完)

自從比個籃球睇中(?)左之後，我就再無一日好日子過。
我就好似殺老師咁，日日都身處比人殺死既危機之中，不過殺老師係好期待被比學生殺，而我就…唉！
之前都講過，個籃球咬(?)過我兩次，之但係我又咁好彩兩次都死唔去，於是個籃球就好有毅力咁…追住我黎殺。
即係話…我依家去到邊，都有個籃球追住我。
你地想像到嗎，一個女仔喺條街度行，後面跟住個紅卜卜既籃球，呢個景象有幾咁詭異。
正因為我一路都比個籃球追殺，所以依家我都無工返，無男朋友，連一個普通朋友都無。你諗下如果你出街，或者見工嗰陣有個籃球跟住你，應該都唔會請你，或者想同你熟卦。
咁既狀況，我真係好絕望，絕望到唔想再做人。我想死，但係又唔想比嗰個籃球殺死。我試過自殺，但係唔知點解次次都比嗰個籃球救返。
唔通我真係要死喺嗰個籃球手中…呀唔係係佢口中？
我繼續比個籃球追殺，比佢追住黎殺。無野改變過，但係佢既出現又改變哂所有野。
我係一個平凡到唔平凡既學生妹，唔平凡到，我比個籃球追殺。