愛上一個人: 一. Hello

我係陳家熙，中四，人地通常叫我啊熙。
我係一個好靜既人，最鍾意就係戴上耳機，享受住音樂咁去觀察世界既大小事。
  
朝早六點半，我如常咁起身。
帶住疲倦既身體，睡眼惺忪咁去刷牙。
見到自己頹廢既樣，即刻已經無哂動力。
我照舊戴上左耳機，食住阿媽整既麥皮早餐，咁樣係我最鍾意去度過每一個早晨既方式，一直都係咁，到左七點就匆匆忙忙咁出門，呢個就係我每日既習慣。

  一路聽住周杰倫既安靜，一路搭住巴士，係大街小巷之間穿梭，望住天空中好似棉花糖咁既雲，係一種享受。
聽下聽下，就咁就到左學校，我默默咁除低左耳機，整理左一下校服，就咁步入學校。