人渣誠自傳（完整版）: 外傳～7
「咁你錫我一啖先丫。」
吓!?咁向左走向右走大整蠱!?
「唔..唔好啦。」我嘗試拒絕。
「點解啊，你唔愛我喇?」
「唔係啊，大街大巷，好似唔係咁好...」我隨便找了個理由。
總之，我就係唔想錫佢個嘴。
「唔得，你唔錫我就唔理你!」寶兒說。
Hi 你咩，咁即係逼我姐。
「好..好啦。」最後，我都係屈服左。
我真係第一次咁唔想同女仔打茄輪...啊!!救命啊!!
我閉起雙眼，慢慢靠近佢。心諗，今次真係死向左走向右走緊。
「唉Hi，死就死啦!」然後，我就一野轟左落去。
嘩Hi，好向左走向右走大陣煙味啊，臭到Hi Hi。我同比個煙灰缸強吻有咩分別啊?
我唔玩喇!
正當我諗住完結依一吻既時候，寶兒察覺到我想縮開。我Hi，佢居然攬到我實一實，仲不斷用舌頭刺進我口腔，四處遊覽。
個一刻，我有諗過自殺。
同一個食完煙既人打茄輪，真係慘向左走向右走過死....
「咁我地依家去邊好啊?」寶兒問。1
「是旦啦...」我已經冇哂心情喇。
「咁啊...上你度啦。」
上到去咪又係啪啪啪，唔係仲有咩可以做丫。所以每次佢話要上我度，嚴格上黎講可以話係作出性邀請。
比着平時既我，一定即刻話好，然後帶佢上屋企大戰數百個回合。
但係佢頭先個一吻，真係搞到我乜向左走向右走野性慾都冇哂。
話雖如此，佢主動話比我搞，唔通我拒絕佢咩?
咁樣實在太殘忍喇，我實在唔忍心。
所以，我都係帶左佢上去。
「等等，我買香口膠先。」臨上去前，寶兒話要買香口膠。
心諗，原來你都知自己口臭既...既然係咁啊，好心你就早少少買啦。
Hi。
買完香口膠，上到屋企，咪又係個啲情節。動作場面千篇一律，我亦唔花筆墨去描述喇。
總之，打完個冷震之後，我就攤左係張床上面，攬住寶兒。
仔細一睇，咦，咩黎架。
「咩黎架，點解會咁樣既?」我問。
「咩黎架，點解會咁樣既?」我問。
我望到佢皮膚有幾個位特別淺色，好似有條白色線刻係身上一樣。我諗，應該係疤痕黎。
寶兒做開運動，周不時都會有唔同既傷口。
依樣我明，但係我點睇，依啲似係刀疤黎...
「...」寶兒冇應我。
「你係咪介過手啊...?」
「係...」寶兒點一點頭，道。
話就話叫「介手」，但寶兒既傷口遍佈全身，膊頭都有。
「點解咁傻啊?」
MK妹介手其實好常見，大多都係因為分手，覺得唔開心之後自殘。其實，我覺得真係好向左走向右走on勁。
咁多野唔玩，點解要整傷自己呢?
你唔開心都好多方法去發泄架姐，何苦要攞自己身體黎玩呢?
難道你覺得你整痛自己，你就會好過啲咩?
用下腦啦Hi。
「我為左以前個男朋友介既...」
唉Hi，我都估到架喇...
「原來係咁...」我說。
「你係咪介意啊...?」寶兒細細聲問。
「傻女黎既，點會呢。」
傻女黎既，點會唔介意呢...
我摸一摸佢膊頭上既疤痕，大概3至4厘米，微微突起。我諗，應該幾深下。
「咁樣摸痛唔痛架?」我問。
「唔會啊。」
「咁你介既時候呢?」
「第一次咪痛囉，跟住可能慣左，就冇咁痛喇。」
與其話我心痛，例不如話係心寒。一個十多歲既女仔，究竟要經歷過咩事先會做出咁既行為。
換轉係我，莫講話介自己，我連攞起刀既勇氣都冇。
我抱緊寶兒，閉上雙眼，
「應承我，以後唔好再做傻事。」
「唔得喎。」
「吓，咁架咩?」
「可能你會整到我唔開心，跟住我又介架喇...」
「咁啊，你應承我，你以後只可以為我一個介。而我，會盡我最大努力令你開心，唔會比你介手，好冇?」
「嗯!」
寶兒既笑容，真係世界級。
但去到最後，我都沒能好好守護着...
老實講，我都已經唔記得係邊月，邊日喇。總而言之，個日起既寶兒變得好痴身。
你可能會話，女朋友痴身好平常架姐。
錯哂喇，你會咁講只係因為你對寶兒，甚至依一類型既MK妹太唔了解喇。
係我地一齊既兩個月之內，佢講「我愛你」，「好掛住你」等令我骨痺既字眼，多出左數十倍以上。
「我愛你啊。」寶兒一見面，就一手擒住我。
「..我..我都係啊。」一時間，我實在太難作出反應。
「哦，你諗左一秒，你以前都唔會既...」寶兒開始扭計。
大佬啊，等左你成個鐘我都未出聲啦，你為左一秒hi我!?
「點會呢，最愛就係我BB架喇。」這句對白頗為MK。
我居然會說出這種說話，可能係同MK妹一齊，漸漸亦被同化。
「我都最愛我老公架喇。」寶兒笑得瞇起雙眼。
「呼。」我在心中鬆了一口氣，幾驚佢嬲...
咦，咪住!
寶兒居然叫我「老公」!?
終於唔向左走向右走係叫我「老婆」喇！！！
冇錯，我係當日，拾回男人最基本既尊嚴。
但係...點解好似好怪咁既?
好似曾幾何時，都有類似既野發出過...
「做乜諗野啊你?」寶兒既笑容，同佢所講既野真係格格不入。
「冇啊，行喇。」
是旦啦唉。