人渣誠自傳（完整版）: 二十三
自個日開始，我再冇揾過阿欣。唔知點解，佢都冇再揾過我。可能因為佢知道，我地已經唔可以再好似以前咁...
不過都好既，咁樣我就唔會再傷害到佢。
去到最後，我同阿欣都冇正正式式咁講分手。
過去一年，我因為張彥琪同Heidi，不斷叫自己去做一個Hi Hi。只有我可以傷害人，唔會比人傷害我，但係，我真係做唔到...
我係一個唔稱職既人渣，睇黎，我真係唔適合做玩家。
我諗，我都係收手啦。
完左個假期之後，我同阿欣既事又傳開哂，真係多謝哂班八婆先。
有人話我係出面有一大堆女，所以飛左阿欣。亦有啲話我中出即飛，等等。再誇張既，再ON勁既都有...
「你知唔知阿欣晚晚喊到成隻狗啊?」振威捉住我黎問。
「知...」
除左振威之外，仲有唔少朋友係依段時間同我講，阿欣每晚以淚洗面。每朝見到佢紅紅既眼睛，我個心都絞住絞住痛。
我真係好內疚，好後悔咁對佢。
傷害人既同時，其實都會傷到自己。
我真係知錯喇...
大概當初我未懂得顧忌 年少率性害慘你
「你有冇諗過追返阿欣?」身邊既人都有問過我。
「冇...」其實就有。
點會冇丫，阿欣當初對我咁好，咁好既女仔，點會唔想追返。
但我冇咁做，因為我覺得佢既女，應該揾一個識得珍惜佢既人擁有。再加上，去到依家我對佢都唔係好有feel...
所以，我同佢再冇接觸...我唔敢再傷害第二個人喇。
好對唔住。
阿欣─被我傷透的女孩
而Cherry，我都決定唔再揾佢喇。
「不如我地唔好再見面喇。」同上一次一樣既對白。
唯一唔同既，係今次我地冇告別q。
「好。」
可能佢以為我又會再揾返佢，但我真係唔會喇。
「再見喇。」
Cherry拉住我隻手，
「其實呢，當初我鍾意過你。只係你一直冇表示，我以為一直等你就會得，點知你每次都淨係識搞我...」Cherry講講下，又喊起上黎。
「其實我真係唔想再搞架...但我以為比你搞，你就會知我愛你...」
原來我傷過既，唔止一個。
我真係知衰喇。
學校既一班八婆幫我改左個花名，哈，真係幾貼切。
「人渣誠」
自己有冇伊藤誠咁人渣我唔知，但係「人渣誠」依個名，我確係幾鍾意。
唔係因為想學佢咁瘋狂Hi西，食女。而係因為依個名，令我記起自己做過既壞事。我想以此為鑑，時刻提醒自己。
唔好再做同樣既事。
「人渣誠。」林優怡笑住叫我新名。
「Hi 你啦。」我向佢舉起中指。
當然啦，可以既話都係唔好咁叫我。人渣前人渣後，好似唔多好聽囉。
「唉，你知唔知依家好多人都唔鍾意你。」林優怡其實都係一個小八婆。
點會唔知丫，我個名臭哂架喇。依家啲女一聽到我個名，第一反應就係，
「Hi Hi黎既。」，又或者係「死賤精成日呃女。」
總之，好多女，特別係八婆都好厭惡我。
其中包括既，就係林優怡身邊既豬朋狗友。Hi，唔係話針對，但真係十個有九個都係八婆黎。
所以，林優怡班friend都唔多想佢同我痴得埋。
「我仲肯同你做朋友都算係咁啦。」林優怡好招積咁講。
「Stop la啦你!」講就咁講姐，但我知你好既。
點都好啦，我真係好試下改架喇。
我唔敢講自己可以做返一個人人頌讚既好男人，但我至少唔會再係一個呃蝦條既人渣喇。
人渣誠，改過自新啦好嗎?
要重新做人，其實唔係要忘記過去，而係要學識接受自己既過去。
第一件事，我決定揾返張彥琪。
唔係媾佢，唔係約炮，只係好單純咁做個朋友。
「Hi。」我係屋企門口見到彥琪，所以主動同佢打招呼。
「Hi...」佢好驚訝。
都係既，自從當日同佢上完床，我每次見佢都扮睇唔到。
「做咩啊，估唔到我會同你講野。」我笑着說。
「係啊，終於肯喇咩。」佢都笑起上黎。
有一種老朋友冇見多年後，重遇既感覺。
同佢講返野之後，我會同佢傾下心事，同佢講下我係依段時間做過既事。
「可能你一開始做得唔夠好，但你最後都識諗啦，我覺得已經好夠架喇。」張彥琪聽完阿欣既事說。
「係掛...」
「浪子回頭喇，咁咪幾好，人渣誠。」連佢都咁叫我，Hi。
佢亦會同我講弄佢自己既事，佢話佢已經放低左肥龍，冇鍾意人喇。
從此，我地有心事都會揾對方傾訴。
就係咁維持左一個學期，我盡力去改變自己...
係過去幾個月，我嘗試做唔同既事去改變自己。
第一件事係，返工。
曾經聽人講話，人，一返工之後就會成熟好多。因為，出黎揾錢真係好向左走向右走辛苦。
「On勁!」我以前係咁諗。
心諗，揾錢會辛苦得過一日做五份past paper?
「喂海仔，係咪有工開啊你?」我問。
「係啊，你有興趣?」
「係。」我決定要出去捱下，順便揾啲零用錢。
啊係，唔記得介紹。我老友，海仔。古乳有暈:「君子之膠，淡於水」。正正可以形容我同海仔既關係。
話熟又唔係最熟，但有種一見如故既感覺，好似阿偉咁。不過有少少唔同，如果阿偉係知音人，海仔應該就係過來人。
佢個人係幾型既，有種陽光男孩既感覺，係個運動健將。我個區四百米冠軍黎，抵佢食到咁多女既，但佢都修心養性喇...
曾經既佢，食過唔少女。如果依個故係由佢寫既話，我諗2046都仲未講哂啲女。
「好辛苦架喎，認真?」
「得啦，點會難到我。」
海仔介紹我做既，係酒樓既「班地喱」，即係傳菜囉。唔好以為好向左走向右走輕鬆，啲野真係熱到你Hi Hi，我幾次燙傷。
最on勁既係，冇工傷啊頂!
真正出黎做野先知，Hi Hi，原來真係好攰。