人渣誠自傳（完整版）: 十四
個一晚，我地約左夜晚九點係Neway門口等，我特登早少少出門口，廢事遲到。
點向左走向右走知，原來MK之間係有潛規則。
佢地班Hi Hi唔單止唔會準時到，仲要遲好鬼多。
「Sorry啊，遲左少少。」等左半個幾鐘，只係得浩仔一人黎到。
「少少!?半個幾鐘喇，頂你!」我指住隻錶。
「我地約出黎通常都係遲半個鐘先到架，潛規則黎。」
「Hi 你又唔早啲同我講。」
「一時唔記得，Sorry，最多等陣我請。」
咁又冇所謂。
過多幾分鐘之後，所有人都黎齊哂，除左我同浩仔之外，仲有一個男仔。
「喂，同你介紹，依個係我由細玩到大既死黨，叫阿俊。」
俊，邊向左走向右走度俊啊!?一睇就知係個死MK黎架啦，Gel到個頭幾層樓高。咩居心啊?
「你好。」我主動打招呼。
「Hi!」仲要係個社交向左走向右走。
除左我地三個之外，全部都係女黎。一眼掃哂，Hi咩，全部都係死MK妹黎既。浩仔間咩小學黎，專出MK架?
佢地個頭啡就不在話下，個個都着個啲號碼衣再加pump fury，做乜勁姐?係咪以為自己好型啊你地?
原本以為都冇乜希望，冇件睇得上眼...點知，原來仲有兩件未到。
「Sorry黎遲左...」兩條囡囡一齊黎到。
左邊個件睇上去純啲，右邊個件都唔差，至少好過其他MK妹。
「Hi，未見過你既?」右邊個條女同我講。
「係啊，我第一次...」我開始一九九九。
「你好，我係Cherry。」
「喂，左邊個件我mark左。」阿俊講完之後即刻上前。
「咩叫mark左呢?」我問浩仔。
「即係佢要左，叫我地唔好搞咁解。」
MK既世界真係博大精深。
之後我地入到間K房，我先發現原來自己錯左。
依班人跟本就唔係黎唱歌。
浩仔一個力戰幾條MK妹，而阿俊就同遲黎既兩條女有講有笑。
我?坐正係中間冇人理我。
我仲on勁到諗緊:咁唱唔唱歌好呢，難得佢地唔唱，廢事哂錢。
「咪住先，猜個靚枚先啦。」正當我想攞起枝咪，阿俊動議。
「但我想唱陣歌先喎...」
「唱乜鬼野歌啊?咪唱住先啦。」
「但我係黎唱K架喎...」
「唉，你由佢唱飽佢啦。」浩仔說。
跟住，佢地就冇再理過我。我就自己一個係度唱陳奕迅，同佢地好似兩個世界既人咁。原本以為自己會好細膽，唔敢唱出聲。但可能因為佢地眼尾都冇望過我，我唱得好自然。
你有沒有愛我的準備
我一路唱，一路諗，唔通我真係註定要做毒向左走向右走?
若你喜歡怪人 其實我很美
唱唱下，係時候走人。我同啲女基本上零交流。
浩仔比我既套，應該都毫無用武之地喇。
點知叫Cherry個女仔居然whatsapp我，
「等陣完左係出面個公園等。」
唔通...有機?
正當我摷緊錢既時候，我手機震一震。
「等陣完左係出面個公園等。」係一個陌生既電話號碼。
心諗，邊個黎架呢?
我禁入個icon，嘩，張相真係MK到瀨屎。又黑白，個角度又Seven。仔細啲睇，原來係叫Cherry個個女仔。
我抬起頭，發現佢一直望住我，佢向我打打眼色。
咦，唔通想媾我?
唔通，個套用得着....?
「下次再出過黎啦，bye。」
「哦，bye。」我對佢地揮手。
同佢地道別之後，我真係坐左係出面個公園度等。等啊等，Hi，又坐左半粒鐘。
心諗:唔向左走向右走係玩弄我掛?
「等左好耐啊?」佢從後拍我。
「係啊頂你。」
「頭先陪個Friend返屋企啊。」
「係呢，你點會有我電話既?」我問。
「哦，頭先我特登問阿浩佢攞架。」Cherry說。
特登問阿浩攞..?
「你要黎做咩啊?」
「冇啊，見你唱歌咁好聽，想同你做個朋友姐。」
朋友?哈，直覺話比我知，唔係咁簡單既。
「又得姐。」
「咁好啦，李志誠。」一定又係阿浩同佢講我個名。
講完，佢就咁走左，冇下文。
約我出黎，就講呢幾句?MK，真係令人摸不着頭腦。
Cherry絕對唔係靚女，但又未至於Seven，正常女仔咁既樣啦。講真，我真係冇乜性趣。
「Hi，叫你揀老婆咩!依家你玩下架咋，玩完就閃人啦。」阿浩講。
雖然有一刻我覺得佢既想法好賤，但我知道如果我要做一個真正既玩家，我就要變到佢咁樣。
好!!我做玩家第一個要搞既女人...
就決定是你了，Cherry。
話就話媾佢姐，但應該要點樣出手呢?
依個時候，緊係要問下浩仔啦。
「喂，浩仔，有野問你。」我捉住浩仔。
「咩料呢?」
「我呢，想試下媾Cherry，但唔知點入手...」我說。
「好!!!你終於都想喇咩?」
「算係啦...」
「不過你乜都唔洗做。」
吓?乜都唔做點媾女呢?
「如果佢對你有意既，佢遲早都會揾你既，等下啦。」阿浩說。
「咁若果佢無意呢?」我問。
「點會丫，佢問得我攞你電話，好明顯就想媾你啦，定喎。佢唔鍾意你既話，我切!」
既然佢攞到條丁黎保證，好，信佢。
頭幾日真係冇乜動靜，原本我差啲把持唔住，想主動約佢。
「咪啊你，等!!!」浩仔極力阻止。
「得喇..」唯有再等下啦。
之後，Cherry真係whatsapp我，
「Hi，李志誠，仲記唔記得我?」