人渣誠自傳（完整版）: 一
張彥琪既事，令我性格開始變得內向，變成一個怕事既死毒向左走向右走。係初中既時候，我基本上冇同過女同學講野。
隨時間流逝，我開始忘記張彥琪，鍾意左第二個女仔。冇錯，我同所有毒向左走向右走一樣，心中都有一個女神。佢，就係黃曉玲，英文名叫Heidi。
Heidi係我地form既女神，樣靚就不在話下，個條白滑長腿簡直就係世界級。唔單止咁，佢份人仲好nice。
正如我頭先所講，我係初中甚少同女仔溝通。上到中四既時候，我揀左科好多女仔讀既健社，希望可以藉此脫毒。講真，成班二十幾條囡囡，計埋我得兩個男仔，有種女校男生既感覺。但如果你有睇過監獄學園既話，你就會知道毒向左走向右走，無論身邊有幾多女都唔關你事。
相反，太多女只會令情況惡化。因為你身邊多左女仔，唔代表你會有勇氣同佢地溝通。一日毒向左走向右走，一世都係毒向左走向右走。
每次上堂最怕就係聽到miss話要分組，仲要五個人一組。Hi 你啦，邊向左走向右走度黎五個男比我啊?搞到我永遠都要睇下邊組唔夠人，就入邊組，仲要接收同組女性既厭惡眼神...總之就好辛酸啦。
十月某一日上堂既時候，要做大project，個miss話要分組。當我祈禱緊唔好同豬西一組既時候，Heidi就好似天使一樣出現係我生命。
「李同學啊，不如我同你一組丫?」Heidi主動行過黎我個位，問我。
「好...好啊」
我知道，係我面前既依個女仔，唔係人黎，係跌落凡間既天使。佢有一種好特別，好特別既氣質。我諗，依種就係所謂既「仙氣」。
不過我諗諗下，發現唔對路。你諗下一個咁「仙氣」橫溢既女仔，點解會揾我依個兩年都唔出句聲既死毒向左走向右走呢?仲要叫我李同學咁做作...一定係有陰「毛」!仲要係好大汁既陰「毛」!我決定要試下佢先。
「黃..黃同學啊...」Hi，其實我都好做作。
「係?」佢把聲真係好好j。
唔得!唔可以比佢既外表呃到既。老子幾十年修行，冇咁易中計。
「點解你會揾我一組既?」我鼓起勇氣問。
Heidi笑一笑，望住我對眼:「你~估~下~」
Oh FUCK!好靚啊!!!!!!!!!啊唔係，大膽妖孽，居然挑逗本王?
「即...即係咩呢?」我再問。
「冇啊，見你平時上堂都唔講野既。每次分組又自己一個，我又唔忍心見你咁，所以咪揾你囉~」佢話。
聽完之後，我個心簡直係比佢融化左。原來佢咁留意我架...唔知佢係咪鍾意我呢?不過唔緊要，佢係咪鍾意我我唔知，但我可以同你講，我有少少鍾意左佢。
媾女黎講，最緊要都係兩樣野，第一樣:靚仔。講到靚仔，唔好話我自戀，但我自問自己真係幾靚仔。咁多年黎，唔少女仔都因為我個樣而投懷送抱。但建基於我毒向左走向右走既性格，我都一一拒絕。
第二樣黎講，就係自信。好聽就叫有自信，唔好聽就叫面皮厚，係我人生都不知見過幾多狗公死纏爛打媾到女神。如果你問我，邊樣重要啲，我一定揀後者。
點解?其實好簡單，你望下條街上面，係咪拖住女既都係靚仔先?唔係架，邊向左走向右走度黎咁多靚仔型男丫。所以，睇緊依個故既你仲未有女，我建議你放膽啲去馬啦，你得既!
「Stop la啦你!講到咁向左走向右走威又唔見你媾人!」吳振威高舉佢中指。
吳振威，花名叫on勁威。係我中一識到依家既最佳損友。佢份人點?Hi，識得我既都死毒向左走向右走黎架啦...
「你都on勁既，邊敢丫...」係佢面前，我成日爆粗。
「垃向左走向右走圾!女都唔敢媾，算什麼男人啊?」 講佢就聲大大，其實佢咪又我一好樣，唔敢媾女神。佢淨係係我面前先會扮哂威風，見到其他人就頭dup dup咁。
點都好，佢係我最好既兄弟。
講時講，你唔好以為我真係唔敢媾Heidi。至少，我有嘗試過，只係...結果並不如意。
正所謂「萬事起頭難」，我發現我好難同Heidi有接觸既機會。一黎大家唔同班，二黎我同佢又唔係好熟。莫講話要媾到佢，真係傾句計都難。所以我決定踏出我第一步，係樓梯口撞到要say hi!
我同你講，依件絕對唔係易事黎，你想像唔到我當時要鼓起幾大勇氣先敢同佢講。
「超，你咪到時又縮沙啊!」振威講。
依一日既早晨，我準備好喇，我決定要豁、豁出去。過去幾日，我已經記低左佢返學既時間，我特登早少少返，諗住扮偶遇。
我望望隻錶「7:45」，我feel到佢差唔黎喇。
「7:46」，離遠見到Heidi既身影喇...咪住先，唔對路，佢隔離有friend既!?
我一見到佢隔離有朋友，原本正諗住走人...點知，我諗起振威。
「超，你咪到時又縮沙啊!」
白痴!我堂堂一個男子漢點會縮沙!!!!我 要 證 明 比 振 威 睇 。
我深呼吸一口氣，壯一壯膽。我轉身行近Heidi，佢發現到我，望住我笑，向我揮手。係喇，係時候喇。
點向左走向右走知，我Seven左。
「早『身』」冇錯，我走左音。
Heidi個friend「噗」一聲笑出黎，Heidi都用手摭住佢既笑容，我當場紅都面埋，乜都冇講就跑走左。
「啊!!!!!!!點解啊!!!!!!!!!?點解我咁低能啊!!?」依一晚，我同振威哭訴。
「冇事既冇事既，乖」振威拍一拍我。 雖然依條友成日串Seven我，但每次我最失落既時候，都係得佢開解我。
依啲咪朋友囉。
至此，我係中四再冇同過Heidi講野。雖然佢有試過揾我講打，但我都冇理過佢...唉，仲唔夠Seven咩。
直至升上中五，我再次遇返佢，個個教我打丁既女仔。
如果冇佢既話，我諗我當初一定媾唔到Heidi。