青春·叛逆: 十二歲那年

十二歲那年，我首次面對家人分離。果日，我同阿媽去完教堂去左致富食早餐。


「伙計要個兩個A餐一個要熱奶茶另一個要熱柯華田」

「鈴鈴鈴」電話響，阿媽聽電話。

「伙計，果兩個餐唔要啦」阿媽掉低左張50蚊，拉住我上左車。






上到車，我問阿媽咩事

「你豬哥暈左」

對生死無概念嘅我不以為意，我果陣覺得佢無可能會25歲咁早死


呢個啊哥...

佢大我13年，佢好蠢，所以叫豬，我叫佢豬哥。我同佢唔太熟，對佢嘅印象係成日當自己玻璃做嘅企喺個電視前面。佢中學同大學嚮加拿大留學，返來香港後返夜班，其實除左食飯之外係唔會見到佢。






阿媽接完個電話渣車飛左返屋企，返到去見到豬哥被人推緊上白車，阿媽跟白車去醫院。我同家姐要等大哥翻到車我地去。

去到見到阿媽坐嚮度喊。呢個係我咁大個女（其實得十二）第一次見阿媽喊。

無耐老豆公公婆婆豬哥啲fd都到左，佢地都嚮度喊。我？我一啲反應都無。


我一直等，等到豬哥被人推出來，或者我係期望緊佢自己行出來。有少少失望地，佢係被人推出來，又推左入令一間房。





繼續等。

我唔知自己等左幾耐，但係計翻條數都有五六粒鐘。呢個係我最耐完全唔做嘢。夜晚阿媽叫我走先，翻屋企食飯。

餐飯我都無胃口食，只係求其趴左碗飯。

記憶中我都成點先訓，但係阿媽佢地都未翻。

我第朝十點起身都唔見佢地，工人姐姐話佢地尋晚有翻。

好難得無王管，我跟著兩日都無去醫院。


第四日，大哥朝早同我講：「你今日唔去就無㗎啦」





我...

無去到

十二歲嘅我，好天真

我唔明

唔明咩叫「無㗎啦」

唔明咩叫死亡